Qaamus 4:11 - NABUWWA KEE MALIKWA

¹¹ «Sodom kee Gomorrâ magaalooli akah bayse'nnah, mango mara siinik bayseh. Isin raaqe marak, girak raaqe bocoyti innah, radda balah addak raqten. Hay, toh ubulla hayteenih yol maaduurinniton.

Qaamus 4:11 Iomraidhean Croise

Yasaqya 13:19

Baabelon magaala, baaxooxak inkih qaxah tayse magaala. Tet mari teetit kaxxam yakkale. Takkay immay anu Sodom kee Gomorrak akah abe innah, deerik afah tet koriseyyo.

Yasaqya 7:4

Too waqdi ‹Cisabbootiyyak isi dacrisaay mameysitinay mawariggitin› kaak inxic» iyye. «Malik Raaxin kee kay mara kee, tonnah kaadu, Ramalyaahû-baxih kaxxa bagcarra, namma caxxat gexxa girah qeerih gide.

Yasaqya 9:12

Suuriyah mari ayrô-mawqa le kabuk gaccaay *Filistiinih yooboke mari ayrô-culma le kabuk gacca 'yeh Israayil yanxuqoonuh af fakka teetit heen. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 23:14

Takkay immay Yarusalaamal yan maray sinam nabuwwah le wohuk gactam abah able. Too mari dalwa abaah diraabat yaaba. Uma-taamak sinam akah aade wayta'nnah, umam sinam barsan. Ta mara kee Yarusalaamal yan mari inkih yi garil Sodom kee Gomorral suge marak baxsa maliiy too marih intit ken able.

Ermiyaas 49:18

Duma Sodom kee Gomorra kee ken dariifal sugte gaandoodit tekke umaane Edomut akkele. Sahdayti teetil wadiriik magaca. Tahat yabtam yoo YALLA» iyye.

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Ermiyaas 50:40

Sodom kee Gomorra kee woo namma magaalah xaqul sugte gaandoodit dumah tikka 'tem Baabeloonut akkele. Tohuk wadir sahda Baabelon magaalal dabaaqah wadiriik magacta. Tahat yabtam yoo YALLA» iyye.

Yacedkel 24:13

Yarusalaamey, atu abte caraami nadaasa koo abe. Taahirik koo haam faxeh immay nadaasak taduuru cinteh. Ahaysa yi naqbi le'nna able'kal, nadaasak mataahirrowta.

Hosiqa 11:5

Tohuh, yol aduure cineenih. Tohuk gexxaamah, Masri fan ken gacseyyo. Assuuriyah mari keenil ackumele.

Hosiqa 11:8

Kaadu qagseh iyyeemih, «Israayil maraw, siinit darre cabam yoh mabicta. Siinit takkeemik tibba axcem yoh matakka. Adma deqsita aracak akah abe'nnah, sin maay baysoo? Xiboyimil baahem siinil maay baahoo? Toh baaham maduuday, kaxxam sin kiciyyo.

Qaamus 4:6

YALLI qagissa heeh iyyaamah, «Anu afah xagtan maaqo waysissa sin heeh, inkih tan magaaloolit siinik qulul ruube'mmay, toh ubulla hayteenih yol maaduurinniton.

Caggay 2:17

Uysubukku hayteenim siinik baysa kaxxa caacay kee arroqle le rob siinil ruubeeh; darot dalka ruube'mmay, tohuh toobittoonu cinteenih.

Zakariyya 3:2

Too waqdi YALLI Seetanak iyyeemih, «Seetanow, YALLI koo yaynaaqalay! YALLAY Yarusalaam doorehiyya koo yaynaaqalay! A num girah addak handifen bocoytih gide. Kaxxa gadaamah addak handifeenih yeyyeeqen numih gide» kaak iyye.