Qaamus 4:10 - NABUWWA KEE MALIKWA

¹⁰ «Duma Masrit ruube bala siinit ruube. Labha siinik carbit akah rabta'nnah abeeh, ken raysay baaxot qideenihiyya elle tiffidigen aracal uma'nnah abicte. Qeebi edde abtan faaris qeebi addat akah yabbixen innah abe. Hay, toh ubulla hayteenih yol maaduurinniton.

Qaamus 4:10 Iomraidhean Croise

2 Malikwa 10:32

Too dabaanal YALLI Israayil-rasi akkuk sugeemik daggoyseh yen. Suuriyah malikih yen Cadayel, Israayil-baaxok Ordon weeqaytuk ayrô-mawqat sugte baaxoy Arnon weeqaytuk Qarooqer deqsitta magaala fan takkehiyya gabat raaqise. Tohumuu, Gilqad kee Basan deqsita rasuy Gaad kee Ruuben kee Manasse mari elle sugehiyyak ten.

2 Malikwa 13:3

Tohuk gexxaamah, YALLI Israayil yinqibeeh; Suuriyah malik Cadayel kee kay baxay Banihadad deqsite keenit ruube. Too qaskar Israayil marak mango adda teyse.

2 Malikwa 13:7

Yowaahad qaskarak raqtem dibuk kontom qaskariitay faras amok qeebi aba kee, tabna gaariy faaris beyahiyya kee ibi qaskarak tabna alfih numuk ten. Wohuk fulah raqtem Suuriyah malik keenik selli heeh, keenit ballaaqet akah yaaqiten innah aaqatuk suge.

2 Malikwa 8:12

Cadayel too waqdi, «Yi abbaw, macah weqta?» kaak iyye. Eliisaq kaak iyyemii, «Israayil maral bahtu wayta umaane aaxigeemih sabbatah weeqah an» iyye. Qagteh kaadu kaak iyyemii, «Gaso maroh edde tan magaaloolit keenik gira ruubetto. Furrayna keenik seefit qidetto; qunxa urri-xaylo tafqetto; soolimak xaylo baguk ayyaaqetto» kaak iyye.

Yasaqya 34:3

Keeniy yusguudeenihiyyak lafa baaxot qidelon. Ken raysay baaxot qideenihiyya abicele. Qabal qaleelâ-baguk darah innah caxitele.

Yasaqya 50:11

Takkay immay gira isih urusa maray isi ifoytal gexahiyyaw, isinnih ifsen gititte gexa! Takkay immay, ellecabo siinik finqa. Aham siinik abtu waytam yoo YALLA.

Yasaqya 9:12

Suuriyah mari ayrô-mawqa le kabuk gaccaay *Filistiinih yooboke mari ayrô-culma le kabuk gacca 'yeh Israayil yanxuqoonuh af fakka teetit heen. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 9:13

Yallih-marah tu gactek, dambik matoobitinna. YALLAY Nabaamak Nabahiyya ken digaaleh immay, tohuh kaal maaduurinnon.

Yasaqya 9:17

Tonna leemiik Yalli furraynak num keenik asillimi mahannaay, ken qayxiixa kee gubuunuk numuh maxuwaawinna. Macaay inteenik, oson inkih Yalla maloonuuy, uma marah yaniiniih; oson edde yabba 'yaanam inkih umaane. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 15:3

Yoo YALLI ta affaraamay ken bayissu waytahiyya keenil ruubu waamal gaba kaleh an. Carbit rabeloonuuh, ginaada keenik kuuta hirriigiseleeh, qambil gadda akkele. Wohuk raqtem garboh alluwwa akmele.

Ermiyaas 16:4

Kaxxa dalka keenit ruubeyyooh; too dalkat ambaxelon. Keenih rookitaah ken yaagaqu waa mara mageyan. Raysa keenik guddaafah innah qangalaylak cabelon; yakkuqe num mageytima. Carbit rabe kee qululuh ambaxi akkelon. Lafa keenik haada kee garboh alluwwah maaqo akkele.

Ermiyaas 18:21

Tahaysa, YALLAW, xaylo keenik qulul gadda ab. Carbit ken sel. Agabu keenik xalay-maleela kee gubun ab. Labha keenik dalkat selli hay; furrayna carbit keenik sel» 'yaanamat emeete.

Ermiyaas 48:15

Mooyab kee Mooyab magaalooli finqitele. Qax-meqe furrayna keenik qeebit rabele. Tahat yabtam yoo Malikiy Nabaamak Naba YALLA kinnihiyya» 'yaanam iyye.

Ermiyaas 49:26

Ahak sarra, tet furrayna kaxxa magaalah gititteh addal qideloonuuh; tet qaskar ambaxele.

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Ermiyaas 6:11

YALLAW, atu keenit akah bagcarritta'nnal, anu kaadu keenit bagcarritah an. Inni abbaxu maduuda» exce. Toh exce waqdi YALLI yok iyyeemih, «Yi naqabu beyay giti-addal yan urru kee furrayna elle gaabowte aracal cax. Baqala kee barra too bagcarrah duufut gexeleeh, idoolay bar nabahiyya kinni way akak macattinta.

Ermiyaas 9:22

Kaadu iyyeemih: «Rabe marih lafa saqi dacah innah, kulli ikkel qidelon. Yifiilen darok caben caffih innah, kulli ikkel cayxih aneleeh, ken yaaguqe num mageytima. YALLI yok inxica iyyem tamaha» iyye.

Hosiqa 11:5

Tohuh, yol aduure cineenih. Tohuk gexxaamah, Masri fan ken gacseyyo. Assuuriyah mari keenil ackumele.

Ayyuqel 2:20

Kilbatak yamaate naqboyta siinik waaseyyo. Too macaxuk garab bacarih tan baaxo fanah siinik xiiriyeyyo. Foocat yan macaxu Rabe Badat qideyyooh, salafti macaxu Maditraaniyah badat qideyyooh; barugi keenik baaxo abcisele. Macaxi gibdim siinil baaheemih sabbatah, anu ken bayseyyo» iyye.

Qaamus 4:6

YALLI qagissa heeh iyyaamah, «Anu afah xagtan maaqo waysissa sin heeh, inkih tan magaaloolit siinik qulul ruube'mmay, toh ubulla hayteenih yol maaduurinniton.

Qaamus 8:3

« ‹Yi cokmih ayro, malik qarih addal yakke saxxaq, weeqa keenil akkele. Mango marih ginaada kulli aracal qangalaylut raaqele. Raysitte kulli ikkel mamaxxaage sinnim qidimih sugele›. Tah intam YALLAY Mulki lehiyya.

Caggay 2:17

Uysubukku hayteenim siinik baysa kaxxa caacay kee arroqle le rob siinil ruubeeh; darot dalka ruube'mmay, tohuh toobittoonu cinteenih.