Qaamus 3:9 - NABUWWA KEE MALIKWA

⁹ Qaamus qagseh, «Asdood magaalal tan kaxxa qarwah adda kee Masri rasul tan kaxxa qarwah addal yan marak, ‹Samaariyah xaqul yan qaleelal gaaboowa. Wokkel tan amaan-sinna kee ummat abta umaane wagita› inxicay awadah keenih warisa» iyye.

Qaamus 3:9 Iomraidhean Croise

2 Samuwel 1:20

Ken raba Filistiin-baaxol mawarsina. Rabat keenik Gat magaalal mayaabinaay Askeloonul gitak addal mawarsina. Filistiin agbih qangaasal nee maabina. Yalla sinniih diini sinni ken say xaylo, nel africeey nel asuule ken kallaama.

Ermiyaas 31:5

Ahak sarra Samaariyah qaleelal qinab coox aysubukettoonuuh; too coox yuysubuke mari too cooxih xaylo akmele.

Ermiyaas 46:14

«Malik Nabkadnessar yamaatem Masri marah warisa. Migdol kee Moof kee Tacfanhis magaaloolil yan mara iysixxiga. Keenik intaanamah: ‹Sin xaqul yan mara edde selan seef sin kaadu macaba'mmay edde koysittoonu duddeenik, bical gaca› keenik inxica.

Ermiyaas 50:2

«Xaagu ummatah inkih warisa: ‹Baabelon qeebit yibbixeenih› inxica. Tah elle yaaxigoonu waan asta uybulluya! Xaaguk tu macabinay ummatah warisa. ‹Baabelon-mari yallah leemiy Marduk migaq akah abaanahiyya luk sugte qande bayteh tan. Oson yallah loonum qaybit radde. Qibaadah bicsen tasaawiriy umâ-yabulih yanihiyyal qaybih tanim baahen› keenik inxica.

Yacedkel 36:8

yi Israayiliy, qaleela ayyuufa siinih baaheleeh, caxâ-miru siinih xalele. Ahaysa isinni baaxo xayuk gacetton.

Yacedkel 37:22

Israayil baaxoh qaleelal inki doolat ken abeyyo. Ken titta lih xiinisa malik aallelon. Ahak wadir namma doolat mayakkan. Ken doolat namma'kkel makurrunta.

Hosiqa 7:1

YALLI iyyeemih, «Israayil ummatay yi marah tani catam faxaah, maqaane keenih abam faxinnaan waqdi, aaminnaan taama kee gacca intaamat asah ken able. Titta ayrisan. Sahdâ-buxaaxi garqan. Sahda giti addal radan.

Qaamus 1:8

Asdood kee Askalon deqsitta namma magaalal abbobtih yan mara qideyyo. Ekron magaalah maral gaba qideyyooh ken digaaleyyo. *Filistiin marak raqqa 'tem inkih bayele› Tah intam YALLAY Mulki lehiyya» 'yaanam iyye.

Qaamus 4:1

Qaamus kaadu qagseh iyyemii, «Gabâ-qaysoh yabbixen laahih innah arooduh gace Samaariyah rasul yan agabow, siinik axcem liyok ankacisa. Boola le maral umam bahtan. Masaakiinat xukkuttan. Gennaaqot sin tabbixe labhak, ‹Gexay kamri neh baaha› intan.

Qaamus 5:11

Masaakiinah cakkit taaqiteeniih, daro keenik dirkih beyya haytaanah, isinnih haysittan. Tonnal, ama gabah oren xeetik bicsitten qarwat buxah magactan. Meqe qinab tuysubukeenih taniini'mmay, tuysubuken qinabak bicissen maqab mataaquban.

Qaamus 6:1

Qaamus kaadu iyyemii, «Siyoonul meqe manoh tan abbobti kee, Samaariyal raacatat tan abbobtiy, siinit takku waytam abletton. Israayiliy kaxxa doolatah tanihiyyak kaxxa mara kinniton. Catoh sinam siinih tamaateemih, siinit takku waytam abletton!

Qaamus 6:3

Isin, ‹Ahaysa uma ayro matamaata; temeetek kaadu xayuk matamaata› 'yaanam intaanah, tohuk gexxaamah uma-taamat assan. Sin uma-taama woo ayro xayyoysele'mmay, siinit takku waytam abletton.

Qaamus 8:6

Caffa kee daro tittat esgella hayneh sinaamat xaamenno. Mago edde lino masaakiinay mago tagdiyu teffere woo magoh aftok ninni naqoosa abenno. Woo mago ibat lon kabeelih limo gide takkem kinni-way, ninni naqoosa ken abenno› 'yaanam intan.

Miika 6:10

Umeenitow, gita maliinot geyten duyye buxaaxih addal kibuk liton. Duyye makot yan miizaanal keexxan. Toh anu niqibiyo taama.

1 Samuwel 5:1

Filistiin mari Yallih Qahdi addat akak yan Sandug Eben-Qeder deqsita aracak isinni magaala fan been. Ken magaala migaaqah Asdood deqsitak ten.