Qaamus 3:12 - NABUWWA KEE MALIKWA

¹² «Illi duwa-num, lubak afak namma lak takkuu, aytik exxa takku, saaboh elle raaqisa'nnal, Israayil maray Samaariyal dabaaqah yanihiyyak saaboh raqtu waytam, qarkaytoh iba» 'yaanam iyya.

Qaamus 3:12 Iomraidhean Croise

1 Malikwa 20:30

Wohuk raaqe mari Afeek-magaala fan kudeeh; tokkel labaatanna kee malcina alfih qaskariital, magaalat maroh sugte gaso raddeeh edde raben. Banihadad kaadu woo magaala fan kudeeh qarik darrê golit yombooqore.

1 Malikwa 20:34

Too waqdi Banihadad malik-Acabak annah iyye, «Yi abba ku abbak bee magaalooli inkih koh gacseyyo. Yi abba Samaariyal akah abe innah, atu kaadu Damaskoh magaalal tellemmo elle abta arac heetto» kaak iyye. Acab too waqdi iyyemii, «Tah abtek currih koo ruubeyyo» kaak iyyeeh bica kaa'lih abba heeh kaa ruube.

1 Malikwa 22:25

Miikayhu kaal gacseemih, «Qarik darrê golit sasoh cultu wayta saaku, wohim aaxigetto» kaak iyye.

2 Malikwa 16:9

Malik Tiglat-Fileeser, Acad kaah ruube farmol, qaskar luk Damasko gaaduh yemeeteeh magaala qeebit raaqise. Sarrak woo magaalah mara Kiir baaxo fan seewah bee. Malik Raaxin qideh.

Aster 1:6

Kay qarih daaratal qidi kee kuclinan bisu le sara, qado *baftak bicsen tafulwa kee qasdiimin bisu le tafulwat, lakqok bicsen ferranway qadoo-xaluq bicsen qamidwal edde tanihiyyat oobak caben. Too sari too ayro daarat kaxxam qaxa yeymeeqe. Tonnah kaadu too daaratih bagul, qisiiy qidii kee walqin bisu le xeetiy qax-meqeeh liliq iyyahiyya heen. Tohuk bagul elle daffeyan duyyey dahab kee lakqok bicseenihiyya heen.

Aster 7:8

Malik yemeete waqdi, rooci kaak wadda'gidih, kallacih is elle tan qarkaytô-bagul gommoh radda 'yeh tet kallacak suge. Malik toh yuble waqdi, «A num yi buxah addal yi barra caylisam faxa kunna!» axcuk kaat kaaye. Tonna-luk wokkel suge mari Haamanak foocal saro heen.

Yasaqya 17:7

Too ayro sinam, Yallay kulli num ginahiyya fan wagteleh; Israayil doore Dageltay *Kudduusuk yanil kibaal haysitelon.

Yasaqya 31:4

Macaay inteenik, YALLI yok iyyemii, «Lubak admoh baahe laahih cado yakme waqdi, lacti duwat suge mari yakkeemiik kaa fan dadha way, kaat kaayan way, keenik mameysita. Lac kaak raaqisaanam faxan way, hinnigga keenih m'iyya. Nabaamak Naba Dagelti kaadu too lubaakih innah, Siyon-qalel qeebi abuh yamaate waqdi, kaa akak waasu waa num mayan.

Yasaqya 8:4

Yooboke awki ‹Yi inay› 'yaanam kee ‹Yi abbaw› 'yaanam afak ayyaaqe'kal yan saaku, Damasko kee Samaariyah mari edderra heem inkih Assuuriyah malik buubele» yok iyye.

Qaamus 6:4

Maaqo xagtan waqdi elle inaaqittaanam, dakani moddiinik bilqisen kaqaadiidi. Maaqoh akah taniinim, qunxa illi kee nagay mulkuqusen rugaageh cadooy; elle taniinim, raacat le koraasih bagu.

Qaamus 9:8

Yoo YALLAY Mulki le, ahaysa Israayil ummatay yab aabbe sinnihiyyal inti haam faxa. Israayil ummat baaxô-bagul macaba. Takkay immay Israayil nasab inkitanuuk mabaysa. Tah intam yooy YALLA kinni.