Qaamus 3:10 - NABUWWA KEE MALIKWA

¹⁰ YALLI iyyamaa, «Numma akak inxicca 'yaanamak, isinni yeyxeere mara kinnon. Marin im dulmi kee qandet beyaanaah isinnih haysitan. Edde yaddereenim, marin imi.

Qaamus 3:10 Iomraidhean Croise

Ermiyaas 4:22

«YALLI iyyam aabbeh an. Iyyaamah, ‹Yi mari duquuraay; yoo mayaaxigan. Kas sinni qunxa urrih gide ikkal, tut maradan. Uma-taamah abittol ken aleltam matana'mmay meqe taamah waqdi boola lon› 'yaanam axcih aabbe.

Ermiyaas 5:4

Tah keenik ubleeh, too waqdi inni bagul ucsubeemih: «A mari masaakiinay tu aaxige waytahiyyak tanih tan» 'yaanam ucsube. «Ken Dagelti keenik faxam yaaxigeenih mayanin; duquurak tanih tan. YALLI aba keenik iyyem kinnim yaaxigeenih mayanin» 'yaanam inni bagul exce.

Yacedkel 18:7

Sahda maduquurusa. Marin cakki mabeya. Lakqo abuuduh sinaamah yecee waqdi damaanatah luk raaqa duyye, abuuduh been duyye kaah gacsan waqdi, beeh suge duyye gacsa. Satqita mara yaskameeh, qarrade mara sarsah.

Yacedkel 22:29

Baaxol yan mari kaadu, sahda duquurusakaay duyye keenik buuba. Masaakiina kee tu maleelat xukkutaanah. Allî-baaxoh maray addal keenik yanihiyyah cakki mayaaxigan.

Yacedkel 8:17

Too waqdi Yalli yok iyyeemih, «Bani-adantow, tamah table koo hinna! Yuudâ-mari tama'kkel abah yan umam-yabuli tableh tanik, ah celtam kinnii? Kulli waqdi qamalliinok aade waanaah; anu anqibinnaanim abaanam celtam kinnii? A diini-maleela gacak gactam elle aban inna maay tablee?

Hosiqa 7:1

YALLI iyyeemih, «Israayil ummatay yi marah tani catam faxaah, maqaane keenih abam faxinnaan waqdi, aaminnaan taama kee gacca intaamat asah ken able. Titta ayrisan. Sahdâ-buxaaxi garqan. Sahda giti addal radan.

Qaamus 4:1

Qaamus kaadu qagseh iyyemii, «Gabâ-qaysoh yabbixen laahih innah arooduh gace Samaariyah rasul yan agabow, siinik axcem liyok ankacisa. Boola le maral umam bahtan. Masaakiinat xukkuttan. Gennaaqot sin tabbixe labhak, ‹Gexay kamri neh baaha› intan.

Qaamus 5:7

Cokmi makot beyaah, numma diraabat milaaga maraw, abletton.

Qaamus 6:12

«Faaris booloh amol yardem mabicta. Bad awurwat yabqureenim mabicta. Hay, isin qadaalat summi celsissan; qado-numma qeero le intan.

Qaamus 6:3

Isin, ‹Ahaysa uma ayro matamaata; temeetek kaadu xayuk matamaata› 'yaanam intaanah, tohuk gexxaamah uma-taamat assan. Sin uma-taama woo ayro xayyoysele'mmay, siinit takku waytam abletton.

Qaamus 6:8

Qaamus kaadu iyyemii, «YALLAY Mulki leh Nabaamak Naba Dagelta kinnihiyya isi migaaqal xiibiteeh iyyemii, ‹Israayil mari abah yan kaxxiina nabam inqibeh an. Oson dabaaqah edde yanin kaxxa qarwa ablem sakkih yol tan. A saaku dabaaqah elle yanin inaytah tan magaala kee tet addal enna 'tam inkih, naqboytit gabal keenik heeyyo› 'yaanam iyye» keenik iyye.

Miika 6:10

Umeenitow, gita maliinot geyten duyye buxaaxih addal kibuk liton. Duyye makot yan miizaanal keexxan. Toh anu niqibiyo taama.

Xafanya 1:9

Yalla maleela taqbude duyyeeya keenik kaxxih yaqbude mara digaaleyyooh; too maray gita maliinot sahdak geyya haa duyyet isinni dageltih qari bilqisahiyya digaaleyyo» iyye.