Qaamus 2:7 - NABUWWA KEE MALIKWA

⁷ Boola leeh, is cata mara sinni tu-maleela tassammeh biyaakittam keenit meqe. Masaakiinah yan mara yassammeh biyaakitam keenit meqe. Baxa kee abba inki baxuwway ken naqasoh tanil yangaleeniih, nammayak fido teetit faxan. Yi migaaqay taahirik yani, too abtol nadaasa aban.

Qaamus 2:7 Iomraidhean Croise

2 Samuwel 12:14

Takkay immay away abteemil YALLA bursutteemih sabbatah, away xalte baxi kok rabele» kaak iyye.

1 Malikwa 21:4

Acab too waqdi Nabot kaak iyyeemih naqabu kee danni luk buxa fan gexe. Gidaarat foocah gacca 'yeh qarkaytok bagul qaxah gace. Maaqo kaah baahen waqdi, wonnah yufkuneeh maaqo akme cineh.

Yasaqya 10:1

Woyyow siinit takku waytaamow! Qadlit mataamittaanay, yi ummatta biyaakittaana'gidih, gitah ane sinni madqa abtan.

Yasaqya 10:2

Tu maleelah le cakki mataaxigan. Ken cakki ken geyi mahaytan. Xukko elle tan marah cakki mabtan. Gubun kee qayxiixah im gita maliinot beytan.

Yasaqya 3:14

YALLI isi marak idoola kee abbobtih yan maral cokmi abele. Keenik iyyu waamah: «Yi baaxoy qinab xala coox elle aabakuk sugehiyya bayissen. Buxaaxi siinik masaakiinak beyten duyyek kibut tan.

Yasaqya 3:15

Yi ummat xukkot tabbixeeni'mmay, masaakiinah yan marat taaqiteenim cakkik manton. Aham siinik intam, yoo YALLAY Dagelta kinnih, Nabaamak Nabahiyya» keenik axcele.

Yacedkel 22:11

Marak garab cuggaaneh keenik yan marih agabu lih xiina. Marab garab isi xayloh agabut fido faxa. Garab kaadu abba ken lih le maqanxiixit fido faxa.

Yacedkel 36:20

Elle gexinnaan baaxol yi migaaqay taahirik yanihiyya baysen. Toh mannalaay intek, ‹Ama mari YALLIH marak tene'mmay, a saaku kay baaxo cabeenih gexaanah yanin› 'yaanam iyyaanaah; yi migaq keenil xagan.

Hosiqa 4:14

Tohuh, anu ahah ken madigaala. Macaay inteenik, isin isinnih qibaadah qarih addal xiiqareh-xiina lih xintaanah, tonnah kaadu, ken lih gabak bicsen xeet kee cooxuh sadgat abtan. Missilah, ‹Hawri sinni mari finqitah› 'yaanam tan. Toh numma.

Qaamus 4:1

Qaamus kaadu qagseh iyyemii, «Gabâ-qaysoh yabbixen laahih innah arooduh gace Samaariyah rasul yan agabow, siinik axcem liyok ankacisa. Boola le maral umam bahtan. Masaakiinat xukkuttan. Gennaaqot sin tabbixe labhak, ‹Gexay kamri neh baaha› intan.

Qaamus 5:11

Masaakiinah cakkit taaqiteeniih, daro keenik dirkih beyya haytaanah, isinnih haysittan. Tonnal, ama gabah oren xeetik bicsitten qarwat buxah magactan. Meqe qinab tuysubukeenih taniini'mmay, tuysubuken qinabak bicissen maqab mataaquban.

Qaamus 5:12

Abtan umaane kee dambiy edde taniinihiyya siinik yemeggeh yanim digga haa. Meqe marih amot gactaanaah, xakaake ken kaltaanaah; guqul takmeeniih; masaakiina cakki waysissan.

Qaamus 8:4

«Tonna-leemiik, isin masaakiina yadlumeeh, tu-maleela baaxok yayyaaqem faxa maraw, a yab oobbeya.

Miika 2:2

Marin buqreh baaxo isinnih faxxan waqdi, le marak bukkoh beytan. Marin qarwa faxxan waqdi bukkoh beytan. Sinaamat xukkutak, midir kee ikoyta caylah keenik beytan» iyye.

Miika 2:9

Yi marih agabuy isi buxa kicinuk sugehiyya le buxaaxik tayyaaqen. Ken xaylo daayiman yi maqaane akah gee wayta'nnah abtan.

Xafanya 3:3

Tet addal tan doolatat taamitta abbobti, qulule lubaakih innah, baaxo meekitan. Tet addal tan cokmi abeenit, maaci edde maacise barugak cayye wayte suulah innah gacan.