Qaamus 2:6 - NABUWWA KEE MALIKWA

⁶ Qaamus kaadu qagissa heeh iyyemii, «Aham YALLI iyyaama. ‹Israayil mari fiiruk geerah dambi le taama abeenih; tohuk gexxaamah ken digaaleyyom digga le. Qellat sinni maray isi mago yagdiyu duude waahiyya sinaamal xaaman. Gersim hinna'mmay, magok yeceen kabel edde gacsan dudda alle wayta masaakiina, magoh aftok naqoosah haysitan.

Qaamus 2:6 Iomraidhean Croise

2 Malikwa 18:11

Assuuriyah-malik Israayil-mara Assuuriya fan seewah bee. Sarrak keenik tu takkem Calac magaalal nookiseeh, gersi mara keenik Cabor weeqaytih garil Goodan deqsita rakaakayal nookise. Wohuk raqtem kaadu Meediya deqsita marih-magaaloolil nookise.

2 Malikwa 18:12

Israayil-marat tonnah tanim tekkeeh; toh keenit akah tekkem, YALLAY ken Dageltah yanihiyyah amri cineenimih sabbata. Oson YALLI, Muusay kay naqasu kinnil ruube amri cineeniih, YALLI ken lih abe bica xaguraanam maabinnon.

Yasaqya 10:2

Tu maleelah le cakki mataaxigan. Ken cakki ken geyi mahaytan. Xukko elle tan marah cakki mabtan. Gubun kee qayxiixah im gita maliinot beytan.

Yasaqya 29:21

Cakki-bagul-yan-maral diraabah-sumaaqita-mari bayele. Cokmi-buxal, cakki-le-mara cakki-waysiisa-mara baati qambalta. Qellat-sinni-mara-cakki-gee-kala-mari bayele.

Yacedkel 22:13

«Yarusalaamey, sahdat abta bukko kee qidiyyah abeh an naqabuk gexxaamah, gaba kol heeyyo.

Ayyuqel 3:3

Yi maray seewah orbiseenihiyyal saami caxxa qiden. Lih xiinen xiiqareh xiina kee yooqoben kamrih, meklah, yi marih xaylok say urru kee lab urru racmatta sinnuk yeceen» iyye.

Ayyuqel 3:6

Yuuda kee Yarusalaam mara le baaxok xer baaxo fan ken ruubaana'gidih, Giriik maral ken teylemmen.

Zakariyya 11:5

Illi xaamita mari, isih faxa saaku, faxah yan ida akkiiy maruw akki usgudda heenih niyya akak aban. Takkay immay tahah ken digaaltam matan. Illi yaylamme mari, ‹Alcamdulillaah nanu gaddaleela kinnino› iyyaana ikkal, qiden lac ken lac kinnih immay akah maxuwaawan» yok iyye.