Qaamus 2:15 - NABUWWA KEE MALIKWA

¹⁵ Gaysê-baxi qidimil timixxige labha, ken fan qidan gaysê-baxak isinni elle raaqisan wale mageyan. Ardal assaaquk yen mari kinni way mayassaaqa. Faras amot yan mari rooci edde haan ikke mageyan.

Qaamus 2:15 Iomraidhean Croise

Yasaqya 31:3

Tonna'mmay Masri mari sinaamak kaxxih sahda ikkal, Yalla hinnoonum taaxigeenimi. Oson lon faaris, gersi faariisak kaxxih akak yaniinim, cado kee xagara ikkal, malayka hinnon. YALLI gaba siinil qidu waa saaku, cato elle essertan mara kee cato essera marak inkih baati sin qambaltam ixiga.

Ermiyaas 51:56

Naqboyti Baabelon baysa'gidih yamaateh yan. Kay qaskar Baabelon-qaskar abbixeleeh; gaysê-baxa keenik aggilelon. YALLI, atu bahteemih koo digaala Dagelta. Cane keenik gacseleeh; ken digaalele.

Yacedkel 39:3

Tohuk lakal koo aatukeyyooh, gayse guri gabak kok akah radaah gaysê-baxi kaadu migdi gabak kok akah radda'nnah abeyyo.

Qaamus 9:1

Qaamus kaadu qagseh iyyemii, «Goyti sadgat elle aban mansafih xaqul soolah uble. Too waqdi iyyeemih: ‹Dooqa elle aban qarih culmah ranko tangayyem fanah, qari elle soola qamiddu utuk. Butukka haay qari sinaamal akah yaddigille innah ab. Too qari elle yiddigille marak kalih maray raaqehiyya anu seefit seleyyo. Yaawweenimih mayasilliman. Yasillimeenim yakkaleenimih rabak mawaddiiman.

Caggay 2:22

Too saaku marin doolatwa deerik afah korseyyo. Luk suggu 'yen qande keenik bayseyyo. Carbi edde aban gaariira kee woo faras-gaariira beya mara kombobboliseyyo. Faroosa kee faroosah amot yan mari rabeleeh; seefit titta selele.

Zakariyya 10:5

Yoo wakalih loonumih sabbatah, Yuudâ-mari qeebil agiiray naqboytit kallat tayborooroke akkelon. Faaris amok qeebi abta labhak kinni way qeebil ayselon.