Qaamus 1:14 - NABUWWA KEE MALIKWA

¹⁴ Tohuk gexxaamah, Rabba deqsitta magaalat maroh tan gasot gira ruubeyyo. Woo magaalal tan megdebittet gira ruubeyyo. Too ayro kaxxa deero kee waxxaqa radele. Too carbiy caffat gexxe girah innah baaxo gufele.

Qaamus 1:14 Iomraidhean Croise

2 Samuwel 11:1

Ciggiila sugum adday dardorti xeflih qeebih edde gexxahiyyat, Dawud, Yowab kee kalah tan qaskar abbobti kee Israayil qaskar qeebih ruube. Oson Qammon maral umam baaheenih, qaskarak qeebih yeyseeniih; Rabbay inaytâ-magaalah keenik tenehiyya maraasiyya heenih yabbixeenim faxen. Dawud isih magexinnay, Yarusalaam magaalal elle raaqe.

2 Samuwel 12:26

Tohut yanin waqdi Yowab, Qammon-marak inaytâ-magaalah gaadut yeneeh, malik elle suge caafat teetik yibbixe.

2 Samuwel 12:31

Magaalal suggu 'ye mara yeyyeeqeeh, miisaar kee maataka kee godmat daadur bicisa keenik iyyeh ken dirkise. Raqqa 'te Qammon marih magaaloolik kaadu toh abe. Tohuk gaba kalla hee waqdi, kaa kee kay mara Yarusalaam fan tuduure.

1 Aydaad 20:1

Ciggiila sugumih adday dardorti xeflih qeebih edde gexxahiyyat Yowab qaskarak foocat gacca 'yeh Qammon marih rasuh gaaduh gexeeh yibbixeh. Too gaaduh Malik Dawud magexinnaay, Yarusalaamal elle raaqe. Yowab abbah akak yan qaskar, Rabba deqsitta magaalay keenik inaytâ-magaalah tenehiyyat maro heeniih; sarrak tet yibbixeeniih tet bayseenih.

Yasaqya 29:6

YALLAY Nabaamak Nabahiyya qaran-kakkaqooy baaxoh-angoyya kee ibak-gibdi-xongolo ruubele. Tonnah kaadu, kaxxa caaco kee caacay kee sinam takme gira ruubele. Yarusalaam mari tohuk cattiimele.

Yasaqya 30:30

YALLI, isi xongoloy kaxxa nabna lehiyya akah tantaabbe innah abele. Kay bagcarra qandek leh gide ablelon. Yallih-cayli habug inta giraay; kaxxa rob kee kaxxa caaco kee, tonnah kaadu, kaxxa arroqleh gurral amaatele.

Yasaqya 9:5

Sinam gaada qaskarih kabel kee ken sartanay qabalat yutlukehiyya inkih girat carariselon.

Ermiyaas 23:19

YALLIH naqbi mermeritta-caacoh gideey; umeynit baysele.

Ermiyaas 49:2

Qammon rasuk inaytâ-magaalay Rabba deqsittal yakku waa qeebik xongolo edde oobba haan wakti amaatele. Too magaala abuuruh raaqele. Tet dariifal tan gaandoodi carriselon. Israayil mari isinni baaxoy keenik beeni gacsitelon.

Yacedkel 21:22

Migdi gabat Yarusalaam 'yaanamih asta elle tan gaysê-baxa heele. Too waqdi, ‹Tet gidaarwa edde taggalu wayta gutqeyna bicisaay, qeebil tirtirisu waa mara bical hayisa. Culmeyna edde taggalu wayta gutqeyna xayyoosa. Ballaaqe tittak bagul hayisak eded bicisa. Megdebih edde gacan boodo bicisa› 'yaanam axcele.

Yacedkel 21:25

«Uma-taama kee nadaasat baye Israayil abbaw, ellecabol digaala kot edde takku wayta wakti xayyooweh.

Yacedkel 25:5

Rabba deqsitta magaala gaali elle yaloole guubuh gacseyyooh; Qammon marih baaxo inkitanuuk illi elle yaloole guub abeyyo. Anu YALLA kinniyom too waqdi aaxigetton› keenik inxic» iyye.

Yacedkel 25:7

Tohih sabbatah sin buubu waah sin radu waa marih gabal sin heeyyo. Sarrah doolat akah akke waytaanaah, baaxo akah alle waytan innah, inkitanuuk sin bayseyyo. Anu YALLA kinniyom too saaku yok aaxigetton» iyye.

Daaniyel 11:40

« ‹Ellecabô-wakti xayyoowa waqdi, Masri malik qeebi kaat abeleeh, too waqdi Suuriyah malik gaariira kee faariisa kee mango maraakib haysitta heeh kaa'lih aamele. Mango baaxo weeqi'nnah duufut beyak wararele.

Qaamus 2:2

Tohuk gexxaamah, Mooyab rasut gira ruubeyyo. Karyot deqsitta magaalal tan megdebittet gira ruubeyyo. Mooyab-mari baantay tamugguree kee carbi addat takke tirtirah addat ambaxelon.

Zakariyya 7:14

Kaxxa caacay guddaafa duufut elle beya'nnal, ken baaxok eyyeqqa ken heeh, marin baaxo fan ken iskiliqe. Tonnal a xaqan le baaxo dibuk raqteeh, dibu tekkeeh; a saaku num teetil mayan» kaak iyye.