Nacmiya 4:7 - NABUWWA KEE MALIKWA

⁷ Sanballat kee Toobiya deqsita marih nammay kee Qarabah yooboke mara kee Qammon mara kee Asdood-magaalah-marah tu gactek, nanu Yarusalaamah gasoh xisne meqe innal abnaah, fanaafanat sugte foxooxa kibneh duudusnem yoobben waqdi, kaxxam keenit toome.

Nacmiya 4:7 Iomraidhean Croise

2 Malikwa 24:2

Too waqdi YALLI, isi nabuwwak dumaak akah iyyeh suge innah, Baabelon kee Suuriya kee Mooyab kee Qammon qaskar Yuudâ-rasu bayissa'gidih kaat ruube.

2 Aydaad 20:1

Ayrok teena Mooyab kee Qammon qaskar Maquunim deqsita maray qalla lih luk yeneenihiyya lih gacca 'yeenih, Yuudâ-rasu wararen.

Qedra 5:8

Nabna le malikow, koh warisnaamah, «Nanu Yuudâ-rakaakay genxeh sugneeh, too waqdi kaxxa nabna le Yallah bicsen Qibaadâ-Qari naba xeetiy affara ruknik yanihiyya kee coox soolisah nuble. Xisne xayuk gaba kalta'gidih kaxxa taamah taamitaanaah, meqe'nnal akkuk ten.

Nacmiya 2:10

Sanballat deqsita numuy Beet-Coron deqsita magaalal yooboke kee Toobiya deqsita numuy Qammon rasul doolat saqalah yenehiyya, Israayil ummatah meqe taamat asam faxa num yemeete 'yaanam yoobben waqdi, kaxxam faxe cineenih.

Nacmiya 2:19

Sanballat kee Toobiya kee uli Qarabtoytay migaaqah Gesam deqsitahiyya nanu abnam fanxam yoobben waqdi, asalah nel hayya heeniih, «Away abtaanam takkaleenim macaay? Malikik naqboytit isinni abtaanam faxxaanam hinna!» anqaasak iyyen.

Nacmiya 4:1

Sanballat deqsita numuh tu gactek, nanu Yahuud marak tiddigille gaso xisnam yoobbe waqdi, bagul nabam yinqibeeh, too waqdi nel anqaaseh.

Nacmiya 4:6

Sarrak wadir ninni taama fan gacne. Ummatta xisnet baguuk taamitteeh tisissikeemih sabbatah, xisne gudel nabbixe.

Nacmiya 4:8

Tonna-leemiik Yarusalaam fan amma 'yeenih qeebi net abaanaah, ummatta akah baditta innah abaanamal malsen.

Nacmiya 6:16

Nek naqboytiitih yan mara kee nek dariifal dabaaqah yan mari, a taama Yalla kinni ni Dageltih cato edde tengeleemih sabbatah gaba kaltem yeexegen waqdi, meysiteenih wacarriy ken yibbixe.

Ermiyaas 25:20

allî-baaxoh maray Masril dabaaqah yene kee, Quux deqsitta baaxoh malikwaay, Filistiin magaaloolik Askalon kee Gaada kee Ekron akak iyyan magaaloolil dabaaqah ten malikwaay, Asdood deqsitta magaalal baatik raaqe maraay,

Ermiyaas 41:10

Sarrak Ismaaqil, malikik say-xaylo kee, Mixfâ-magaalal suggu 'ye maray Baabelon qaskar abbay Nabudardan deqsita Gedalya abba akak abeh cabehiyya, seewah gabat hayya heeh, Qammon rasu fan foore.

Qaamus 1:13

Qaamus kaadu qagissa heeh iyyemii, «Aham YALLI iyyaama. ‹Qammonuh yooboke mari fiiruk geerah dambi le taama abeenih; tohuk gexxaamah ken digaaleyyom digga le. Carbit Gilqad baaxo abbixenno 'yaanam niyal haak, soonibih yan agabuk bagut tan xaylo yeyyeeqen.

Qaamus 1:8

Asdood kee Askalon deqsitta namma magaalal abbobtih yan mara qideyyo. Ekron magaalah maral gaba qideyyooh ken digaaleyyo. *Filistiin marak raqqa 'tem inkih bayele› Tah intam YALLAY Mulki lehiyya» 'yaanam iyye.

Qaamus 3:9

Qaamus qagseh, «Asdood magaalal tan kaxxa qarwah adda kee Masri rasul tan kaxxa qarwah addal yan marak, ‹Samaariyah xaqul yan qaleelal gaaboowa. Wokkel tan amaan-sinna kee ummat abta umaane wagita› inxicay awadah keenih warisa» iyye.

1 Samuwel 11:2

Nacas keenil gacsemii, «Bica sin lih abeyyo'mmay, elle bicnu waynam inki tiya. Tohumu kulli numuk migdi inti siinik siibba heeh, inkih yan Israayil mara qawratak qidaamih tiyal sin lih biceyyo» keenik iyye.