Nacmiya 3:4 - NABUWWA KEE MALIKWA

⁴ Uriyyá-Mareemot deqsita numuy Hakkox deqsita numuk baxi baxah yanihiyya woo exxal katayta exxa bicse. Barkiyyá-Masullam deqsita numuy Masedbal deqsita numuk baxi baxah yanihiyya ciggilta exxa bicse. Baqná-Saaduk kaadu ciggilta exxa bicse.

Nacmiya 3:4 Iomraidhean Croise

Qedra 2:61

Seekah yooboke marak Cabaaya kee Hakkox kee Bardillay migaq luk yen gulub, seeka gacsaanamih digga mageytiminna. Bardillay deqsita gulubuy seekah gacsahiyya akak rade num, digibe saaku balli gulubul kaa muggaaqiseeniih, Bardillay kaak axcuk yenen. Ta mari inkih akak rade marih migooqa keenik mageytiminnaay; tonna-leemiik taahir ane waa maray seekat gacu duude waahiyyat ken loowen.

Qedra 8:33

Fereyhaytoh ayrol Yalla kinni ni Dageltih Qibaadah-Qari fan genxeeh, lakqo kee dahab kee kalah tan duyyey bahnehiyyak tu raaqise'kal miizaanal hayya hayneh, Mereemot deqsita seekih gabal hayne. Mereemot Uriyya baxak ten. Kaa'lih inki sek kee Leewih yooboke marih nammay suge. Tohum Fincas baxa sek Alqedar deqsita sek kee Leewih yooboke namma numuy migaaqah Yaasuwá-Yoodabad kee Binnúy-Noqadya akak axcuk yeneenihiyyak ten.

Nacmiya 3:21

Uriyyá-Mareemot deqsita numuy Hakkox deqsita numuk baxi baxah yenehiyya tokkeek Elyaasib qari edde yaade exxa fanah bicse.

Nacmiya 3:3

Hassana-gulubuh yooboke mari Kullum-Afa deqsitta afa xisen. Sarrak too culmah alifih edde haan coox kee woo alifik adda le kabuk tabtabbih haan coox kee birta akah bicsen.

Nacmiya 3:30

Selemyá-Cananya kee Cannun deqsita numuy Xalaf deqsita numuk lab xaylok leceyhaytô-baxah yenehiyya wokkel katayta exxa bicsen. Oson taamiteenimih, tah nammeyhaytoh addak ten. Barkiyyá-Masullam deqsita num kaadu wokkel katayta exxay kay qarik foocah tanihiyya bicse.

Nacmiya 3:5

Takooqa deqsitta magaalak yemeete mari kaadu ciggilta exxa akak bicsen. Takkay immay woo magaalak abbobtih yen mari, ken akah amrisen quukat axawah raqta taama cineenih.

Nacmiya 6:18

Toobiya Yuudah yooboke numih baxá abbaxuk yeneemih sabbatah, Yuudah yooboke mari mangih kay qaxat yen. Usuk baxá akak abbaxuk yenem, Arác-Sekanya deqsita numuk ten. Kay baxi Yahoocanan kaadu Barkiyyá-Masullam deqsita numih baxá abite.

Nacmiya 7:63

Seekah yooboke marih addak Cobaaya kee Hakkox kee Bardillay migaq luk yen gulub, seekah gacsaanamih digga mageytiminna. Bardillay deqsita gulubuy seekah gacsahiyya akak rade num, digibe saaku balli gulubul kaa muggaaqiseeniih, Bardillay kaak axcuk yenen. Ta mari inkih akak rade marih migooqa keenik mageytiminnaay; tonna-leemiik taahir ane waa maray seekat gacu duude waahiyyat ken loowen.