Nacmiya 2:8 - NABUWWA KEE MALIKWA

⁸ Tonnah kaadu, ku garbot dacayrih yan numuy Asaf deqsitahiyyah warkat yoh aktubetto» kaak exce. Woo warkatal farmoh intaamah, ‹Yallih Qibaadah-Qarik xaqut yan reebuk xisen qarih afah alifuh edde heen coox kee, magaalat maroh yan gidaar edde xisan coox kee, kalah kaadu, anu dabaaqah edde gacu waa qarih coox yoh ucuya› 'yaanam kaak yoh inxic» kaak exce. Yalli yo'lih yeneemih sabbatah, malik anu kaa esserem yoh abeh.

Nacmiya 2:8 Iomraidhean Croise

Qedra 5:5

Yalli Yahuud-marih idoolak amo isih dacrisak yeneemih sabbatah, Fursi-doolatih taamat yen mari, naharak malikih warse'kal hebeltô-maaqatta bee waanamal gaba kaleeniih; tonna leemiik Yahuud mari woo taama elle beyak raaqe.

Qedra 6:22

Malcina ayroh Kamiir-Sinni-Gaqamboh Qiidih farcatah sugen. Assuuriyah malik oson faxaanam aba num YALLI kaa abeeh, Yallay Israayil doore Dagelta kinnih Qariy yiddigilleh sugehiyya nammeyhaak xisaana'gidih cato keenih yekkeemih sabbatah, kaxxam ruffu iyyen.

Qedra 6:8

Oson too qari xisan waqdi, ken elle cattaanam siinil tan. Taama keenik gaba kalla haytam fanah, fanat akah aade wayta innah, taamita marah Furaat Weeqaytuk Ayrô-culma le kabut Raaqa Rakaakayak doolat gabbarah beyta lakqo dudda luk, waqlal elle ucuya.

Qedra 7:6

Qedra YALLAY Israayil doore Dagelta kinnihiyya Muusal oobise kitaabih addal tunkuttubem digga luk yaaxige numuk ten. Qedra YALLAY kay Dagelta kinnihiyyak barkat gee numuk teneemih sabbatah, malik esserra heem inkih kaah abeh. Artacsasta edde dardaareemih malcinhaytô-sanatat, Qedra, Baabelon rasuk Yarusalaam magaala fan yuduure. Seeka kee Leewih yooboke mara kee, Yallih Qibaadah-Qaril saare aba mara kee, Yallih Qibaadah-Qarit dacayrih yan mara kee edde taamita mara kee, kalah yan Israayilih yooboke mari kaa'lih yuduure.

Nacmiya 7:2

Tohuk lakal anu Yarusalaam magaalah adda xiinisu waa namma num xintoh abbah hee. Too namma numuk tiyak teeni, yi toobokoyta Canaanik ten. Akitti kaadu megdebik abbah yen Cananya deqsita numuk ten. Cananya imaan digga kee Yallih meysih kay innah yan num mananna.

Yasaqya 66:14

Aham akkih tablen waqdi ruffu axcetton. Qande kee qaafiyat akak geetton. Hay tonnal, YALLI isi naqoosa cataah naqboytit naqabu yaybulleem, kulli num aaxigele.

Daaniyel 1:9

Too waqdi Yalli woo malik gubal yen numih bagut maqaane kee xuwaw kaah hee.