Naacum 3:3 - NABUWWA KEE MALIKWA

³ Faariisah amot yan mari faaris xoxbisa. Seef bixiq iyya; macaxi liliq iyya. Raysitte tittak bagul tan. Raysittek loowo num mayaaxiga. Kuda mari raysittê bagul yandafoofele.

Naacum 3:3 Iomraidhean Croise

2 Malikwa 19:35

Too bar YALLIH malaykatti Assuuriyah-mari elle yan ikke amma 'yeh bool kee bacra-taban kee koona alfih num yiggifeh maacise. Saaku sinam xiinik ugutte waqdi, too gide yakke marih ginaada yublen.

Yasaqya 34:3

Keeniy yusguudeenihiyyak lafa baaxot qidelon. Ken raysay baaxot qideenihiyya abicele. Qabal qaleelâ-baguk darah innah caxitele.

Yasaqya 37:36

Tohuk lakal YALLIH malaykatti Assuuriyah-mari elle yan ikke barat amma 'yeh, bool kee bacra-taban kee koona alfih num yiggifeh maacise. Saaku sinam xiinik ugutte waqdi too gide yakke marih ginaada yublen.

Yasaqya 66:16

Addunyal eneyya iyya mara gira kee seefit digaalele. Mango mara keenik qidele.

Yacedkel 39:4

Koo kee ku qaskar kee, ku qaxat gacca 'teh ko'lih qeebi abta'gidih temeete qaskar ambaxeleeh; raysi siinik Israayil qaleelal raaqele. Raysa siinik haada kee alluwwâ maaqo abeyyo.

Naacum 2:4

Faaris-gaariira gititteh addal tardeeh, magaalak booxa le aroocal wonnak annah yarden. Ifoyti'nnah uraanaah, cankaxi innah bixiq iyyan.

Cabakkuk 3:11

Ato lito gaysê-baxay habug iyyaah liliq iyya, qalaamisseeh qidde waqdi, qaran bagul alsa solteh, ayro kinnih edde solte. Ku macaxuy habug iyyah, ayro solteeh, alsa teede.