Naacum 3:12 - NABUWWA KEE MALIKWA

¹² Assuuriyah mari megdebitte yabbaxu waa marah, *sublay xaylo akak alayteh innah gacele. Subla xaylo caxa ligligga haan way xayuk elle radda innal, ken gabat radelon.

Naacum 3:12 Iomraidhean Croise

Yasaqya 28:4

Laqaymumte birroh inna leh, niqmatak tan kayrih tan golok daga raqta magaala keenik xayi waktih addat bayele. Is luk sugte qaxa kee bilqa suge wayteh innah gacele. Kusrah amot tooboke xayloy alayte waqdi num ifiillaay ukumma heeh innah bayelon.

Ermiyaas 24:2

Kafaqak teenat nabam meqe *sublâ-xayloy naharak toobokehiyya ten. Nammeyhaytô-kafaqah addat toome xayloy yakmeenim sinnihiyya uble.

Cabakkuk 1:10

Ta mari, malikwa qunxa intit yable mara kinnon. Kaxxa maray doolatat yanihiyyal qangi asalah rabaanah. Faxe gaso haanamah magaala cule ken kalaanam maxiqan. Magaalat maroh tan gasot ballaaqe massossa heenih teetil koreenih, tet abbixelon.