Naacum 2:9 - NABUWWA KEE MALIKWA

⁹ Magaalal mango gaddaliino tanik, «Lakqo buuba! Dahab buuba!»

Naacum 2:9 Iomraidhean Croise

2 Aydaad 36:10

Sugum rade waqdi Baabelon malik yemeeteeh, Yahoyaasin Baabelon fanah seewah bee. YALLIH Qibaadah-Qaril sugte duyye kaadu dannabah bee. Sarrak Yahoyaasin qammiy migaaqah Xidkiya deqsitak yenehiyya Yuudâ-mara kee Yarusalaam marak malik abeh cabe.

Yasaqya 33:1

Sinam baysew, woyyow kot takku waytaamow! Ku baati tekkeh masuginna'mmay ahaysa akkele. Sinam ganak sugte'mmay, koo gana mari masuginna. Takkay immay sinam edde ganak ten wakti gaba kalla heeh, sinam koo edde ganta wakti amaateleeh, sinam edde bayisak ten wakti gaba kalla haa waqdi, baati kot akkele.

Yasaqya 33:4

Tonna luk ken duyye dannabah beeloonuuh, caben duyyel sinam qanayti innah luulele.

Ermiyaas 25:34

Baaxoh abbobtih yan maraw, weeqa boogisa. Rookitaay gombod bagul ubruka. Sin edde yasguudoonu waan uddur yemeeteh. Yasguuden maruwih innah maasayya maasayyah sin kuramkurelon.

Ermiyaas 46:5

Takkay immay afak toh iyyaanamah, cunxoh wadir-wadir aduurih ken able. Qeebil gacah ken able; cunxoh kaxxam aawwih ken able. Quuruuk foocah yardeenimik sah, wadirih mawagtan.

Ermiyaas 51:56

Naqboyti Baabelon baysa'gidih yamaateh yan. Kay qaskar Baabelon-qaskar abbixeleeh; gaysê-baxa keenik aggilelon. YALLI, atu bahteemih koo digaala Dagelta. Cane keenik gacseleeh; ken digaalele.

Yacedkel 26:12

Baaxol luk sugten gaddaliino kee tellemmô duyye siinik beelon. Magaalat maroh tan gasoosa siinik bututtukku heelon. Kaxxa qarwa siinik aggilelon. Woo qarwa edde xisseenih sugten xeet kee cooxuuy raqqa 'te duyye inkih badat qidelon.

Daaniyel 11:8

Oson yalla 'yeenih yaqbuden duyyeey birtak bicsen ceeloola kee, dahab kee lakqok bicsen duyye Masri fan dannabah beele. Tohuk lakal dago sanootah Suuriyah malikit qeebi maaba.

Naacum 3:17

Siinik qaskar kee doolatat taamita kaxxa mari, wac yan saaku gidaar bagul sasa qanaytih inna le. Too qanayti ayro laqta waqdi, haadeh qaxak teenal gexa'mmay gexe ikke num mayaaxiga. Qaskar kee doolatat taamita kaxxa mari kaadu toh abele.