Naacum 2:8 - NABUWWA KEE MALIKWA

⁸ Yiddigille dorak caxitte leeh innah, ummat Nanawê-magaalak gexxa. «Ummatey, mardina» keenik iyyaanamah, moggolaanay bisoh kudan.

Naacum 2:8 Iomraidhean Croise

Yasaqya 13:14

«Loyna sinni illi elle fixixe'nnal, fixixelon. Admoh yemeete marak sageeri elle kudda innal, kulli num isi baaxo fan kudeleeh, isi mara fan gacele.

Yasaqya 38:14

Anay boola yok baaheh yen. Robti-kimbir celamceelak, wirriq axcuk, xongolak en. Camaamah innah iihise. Qaran wagittot namma-inti taqabteeh boola yok bahte. ‹Edde anim, ankikkiqiyya; Yallaw, yoo eyyeq; yoo wad, YALLAW› 'yaanam exce kaa kallace.

Yasaqya 47:13

Siinih yeceen *fayi, boola akke waytek, siinih xiqem mali. Ku cutuuka-beya siinih temeeteh sin waddek, ablenno. Cutuuka wagta mari xiqam siinih yellek, ablenno. Cutuuka-beya qaran fanah wagga haanaah, too waqdi ‹Woo alsat woh akkele; a alsat ah akkele› 'yaanam iyyan. Sin cutuk-beya siinit takku waytaamak sin cattek, ablenno.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Yasaqya 59:11

Ali innah garadnaah; camaamah innah iihisak nan. YALLAW, kol bahne dambik loowo mangoh. Tohih sabbatah qadaalat fanxa'mmay qadaalat mayanaay; nee wadda'gidih kok qamballa'mmay, tu geenih manan. Abne dambi nel sumaaqitaah; qellataay umaane ninnik diggi hayna.

Ermiyaas 46:5

Takkay immay afak toh iyyaanamah, cunxoh wadir-wadir aduurih ken able. Qeebil gacah ken able; cunxoh kaxxam aawwih ken able. Quuruuk foocah yardeenimik sah, wadirih mawagtan.

Ermiyaas 47:3

Faarisiy yardehiyyak ibi xongolo antaabbele. Faaris-gaariiray xoxobak tamaatek radda xongolo aabbelon. Gaariirah ibih xongolo sinaamal radele. Abbobti xaylo makassaay, baxi abbak, ‹Yi abbaw yoo cat› iyyaamah, abba abeh yan wariggah gurmuddi'nnah soolak raaqele.

Ermiyaas 50:16

Ken baaxol daro qide kala. Tooboke daro orbe kala. Allî-baaxoh maray ken addal yanihiyya keenit tekkem yabalu waa waqdi, meysih isi baaxo aduurele» iyye.

Ermiyaas 51:13

Weeqayti xaqul dabaaqah yaniih mango maalu kee duyye le Baabelon maraw, sin baati xayyowteh; edde rabtan wakti xayyooweh.

Ermiyaas 51:30

Baabelon qaskaray agiirah tenehiyya qeebih gaba marubta. Isi megdebil elle soolak raaqele. Niya keenik addigilleleeh, agbi innah qeebik soolak raaqelon. Cayli keenik boolaatele. Baabelon magaalah culmay birtak bicseeni addigillele. Qarwat gira ruubelon.

Naacum 1:1

Yalli Nanawê magaalah giddinaamak ruube farmo ah teeti. Elkos deqsita aracal yooboke Naacum deqsita nabil, Yallih wacyi oobeeh; Naacum yublem a kitaabal yuktube.

Naacum 3:17

Siinik qaskar kee doolatat taamita kaxxa mari, wac yan saaku gidaar bagul sasa qanaytih inna le. Too qanayti ayro laqta waqdi, haadeh qaxak teenal gexa'mmay gexe ikke num mayaaxiga. Qaskar kee doolatat taamita kaxxa mari kaadu toh abele.