Naacum 2:7 - NABUWWA KEE MALIKWA

⁷ Malik barra carbit tantixibbixe. Seewah tet beyan. Tet kadaadim arkiteh, kurrubaaheh innah boogisaanah, rookah alil isinnik yaaguren.

Naacum 2:7 Iomraidhean Croise

Yasaqya 32:12

Buqre elle abak tanton meqe baaxo waak sugettoonuh, qinab xaylo xalak yan coox waak sugettoonu'mmay, rookitay alil isinnik ugura.

Yasaqya 38:14

Anay boola yok baaheh yen. Robti-kimbir celamceelak, wirriq axcuk, xongolak en. Camaamah innah iihise. Qaran wagittot namma-inti taqabteeh boola yok bahte. ‹Edde anim, ankikkiqiyya; Yallaw, yoo eyyeq; yoo wad, YALLAW› 'yaanam exce kaa kallace.

Yasaqya 59:11

Ali innah garadnaah; camaamah innah iihisak nan. YALLAW, kol bahne dambik loowo mangoh. Tohih sabbatah qadaalat fanxa'mmay qadaalat mayanaay; nee wadda'gidih kok qamballa'mmay, tu geenih manan. Abne dambi nel sumaaqitaah; qellataay umaane ninnik diggi hayna.

Yacedkel 7:16

Marak garab goloh addal suge kimbiiriy qale fan gilitahiyyah innah, qale fan kudele. Kulli num isih abe dambih nadaamitele.

Naacum 2:6

Weeqayti qaxak raqta afitte inkih fakkinteh, weeqi gaso cule. Malik qaril kaxxa cunxo radda.

Naacum 3:13

Assuuriyah qaskar meysih agabu akkele. Cuduud dacrissa qaskar matanaay; naqboytit akak elle waasinta innal matan. Koositih bicsiten aroocat gira gexele.