Naacum 2:5 - NABUWWA KEE MALIKWA

⁵ Qaskar-abba qaskarah seeco aba. Too seecol enketta 'yeenih, ardah andafoofoluk, magaala maroh edde tan gasoh yamaaten. Gaysê-baxak isinni edde waasan kaxxa mansaf bicsen. Sarrak, culmah afa edde yaggilen gurmudda baahen.

Naacum 2:5 Iomraidhean Croise

Yasaqya 21:5

Wacyih miiz missoysa able. Qibinah seenan fidisah able. Maaqo yakmeeniih, maqab aaqabih able. Too way, ‹Qaskar abbobtiy, uguta. Gob zeytit (saliidit) duuga› iyyan.

Yasaqya 5:27

Num keenik macawalinnaay num keenik mandafoofolinna. Qundugul kee xin num keenik maabinna. Bagi qarum keenik masalacinnaay kabellak sanaaga keenik maggaraqinna.

Ermiyaas 46:12

Sin qaybi rasi inkih yoobbeh. Isin abten weeqa aabbe wee mari mayana. Qeebil agiirak yan mari titta cabeh kudelon. Too waqdi titta ankiseloonuuh, asillimi titta mahaan», 'yaanam YALLI iyye.

Ermiyaas 50:29

YALLI iyyemii, «Gaysê-baxi qalaamal yaaxigen marak, ‹Ugutay, Baabelon marat qeebi aba› inxica. Magaala keenik marot haay num keenik awqe kala. Oson sinaamal bahha heenim keenil baaha. Oson sahda edde abbaxuk sugen xintot ken haa. Toh keenik aba akah axcem, yoo YALLA aaxaguk masuginnoonuuy, kaxxiina xagarat hayya heenih, anu faxe waam abak sugen. Anu YALLAY *kudduusuk yaniih Israayil ummat doore Dagelta kinniyo.

Naacum 2:6

Weeqayti qaxak raqta afitte inkih fakkinteh, weeqi gaso cule. Malik qaril kaxxa cunxo radda.

Naacum 3:18

Assuuriyah malikow, ku doolatih maray ku ummatih duwat yanihiyya rabeh gaba kaleh. Ku kaxxa maray muddaqiyih sugehiyya akak ugute waan xiinih xiinen. Tohih sabbatah ku mari qaleelah amol fixixih gace. Tohuk wadir ken baaxo fanah ken gacissam matan.

Naacum 3:3

Faariisah amot yan mari faaris xoxbisa. Seef bixiq iyya; macaxi liliq iyya. Raysitte tittak bagul tan. Raysittek loowo num mayaaxiga. Kuda mari raysittê bagul yandafoofele.

Cabakkuk 1:8

Ken faaris sissikaaneh kabqik laftele. Satqitte suulak aban cunxok fuli cunxo keenik abelon. Faariisa keenik kaqoh fayxih inki aracal mataseehedaay, xukcunoh baaxo dub heele. Qawi tu bukkusam faxa waqdi sissikuk elle yamaate innal, a mari kaadu xer baaxok marin baaxo yabbixe'gidih, faaris xoxbisak amaatelon.