Naacum 1:5 - NABUWWA KEE MALIKWA

⁵ YALLIH foocal qaleeli kadiidimitah. Kooma kay foocal diyaytah. YALLIH garil baaxo axaxxah. Addunya kee addunyâ-bagul enna 'tam inkih axaxittah.

Naacum 1:5 Iomraidhean Croise

2 Samuwel 22:8

Yalli bagcarriteeh; baaxo dillibitteh. Qaranwak makroori tengeyyeh axaxxeh.

Yasaqya 24:1

YALLI addunyâ-bagul tanim foyya abeleeh, kaxxa baatih baysele. Baad bayseleeh tet bagul yan mara fixixisele.

Yasaqya 24:20

Baaxo yiskire numih innah kabuk kabul lagaq axcele. Digga sinni siraqih innah angayyele. Abte Yallih-cinak gexxaamah annikisseleeh, abte niksok sarra muugutta.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 10:10

Takkay immay YALLI numma Dagelta kinni. Waara Dagelti kaa; ambaxe sinni reeda le Malik kaa. Usuk bagcarrita saaku baaxo axaxittah. Kay naqabut koysita mari mayana.

Ermiyaas 4:24

Qaleela wagga hee waqdi, qaleeli kaadu dillibitah uble. Koomaami kabuk kabul koramkorah uble.

Yacedkel 38:20

Kullunta takkuu, kimbir takku, naba ala takku, qunxa ala takkay, baaxol ibah gexxa 'tam takku, a baadal enna 'ya bani-adanti takku, yi meysik gexxaamah axaxitele. Qaleeli radele. Boolal bokokele. Magaaloolit maroh tan gasoosa addigillele.

Ayyuqel 2:10

Ta qanayti yamaate way, baaxo axaxittaah qaran yangayye. Ayro kee alsal dite radda; cutuuka bar ifak maraqta.

Qaamus 9:5

YALLAY Dagelta kinnih, Nabaamak Nabahiyya baaxol inti haa waqdi, baaxo diyaayak sutta inta. Niil weeqayti leek yamagge saaku elle koramkorsima'nnal, baaxo kabuk kabul koramkorsimta. Teetil yan mari inkih weeqa.

Miika 1:4

Yallih itqat too qaleeli, samqiiti-innah diyaayele. Too qaleelak ooba diyay, leeh innah daqar oobele.

Cabakkuk 3:10

Qaleeli koo yuble waqdi, kok cunxiteeh, axaxiteh. Qaraanak kaxxa rob radeh; baaxol sugga 'tem duufut bee. Baaxok guba tan lee muxxe; weeqi kaxxa haffo baahe.

Zakariyya 4:7

Qaleh innah kaxxaamay gibdaabina lehiyya kol xabbacooseyyo. Yi Qibaadah Qari atu xisetto. Qari xisnek gaba kaltuh ellecabô-xaa haytu wayta saaku, ummat anay fayya haak farcatah, ‹YALLIH maqaane a qaril tanay!› axcelon, 'yaanam kaak inxic» yok iyye.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.

Makaabon 5:5

Qaleeli YALLAY Siinâ-qale yamlikeh foocal axaxiteh YALLAY Israayil doore Dagelta kinnih foocal axaxiteh.