Naacum 1:3 - NABUWWA KEE MALIKWA

³ YALLI giffa 'ta qande le'mmay, tohuh dagoomut mabagcarrita. Takkay immay umaane aba mara digaale'kal macaba. Isih elle gexa kabul caacay kee caaco ugusa. Siisa sahdah ibat elle ugutta'nnal, qamburre kay ibih gubat ugutta.

Naacum 1:3 Iomraidhean Croise

2 Samuwel 22:10

Qaran baxissa heeh, dagaak addah oobe. Ibak xibqih addat, qamburre kaak teneeh; kaxxa gaanib gace.

Nacmiya 9:17

Koo yaabbeenim cineeniih, atu abte ablewaynuh tan taama hawweeneenih. Kaxxiinak gexxaamah, wadir Masri naqoosinnah ken gacisu waa abba dooren. Atu tohuh, yi Dageltaw, racmatta kee maqaane le Dageltay qafu abahiyya kinnito. Naqabut asissike waah, sahdah kaxxa kacanu yaybulle Dagelta kinnito. Tohih sabbatah booxal qidda heeh darre keenit macabinnito.

Yasaqya 19:1

Masri giddinaamak ruuben farmo ah teeti. YALLI qamburreh addat sissikuk Masri fan yamaate. Masri addal yalla 'yeenih aqbuduk sugen coox kee xeetik bicsen duyyeeya kay foocal axaxitele. Masri marak niya addigillele.

Yasaqya 29:6

YALLAY Nabaamak Nabahiyya qaran-kakkaqooy baaxoh-angoyya kee ibak-gibdi-xongolo ruubele. Tonnah kaadu, kaxxa caaco kee caacay kee sinam takme gira ruubele. Yarusalaam mari tohuk cattiimele.

Yasaqya 66:15

Macaay inteenik, YALLI girah innal amaatele. Kay gaariira qaana fuluk haak tamaate. Niqba mara kaxxa bagcarrat edde digaala'gidih, YALLI gira gabat luk amaatele.

Ermiyaas 4:13

Naqboytit, qamburre qaraanal elle tamaate innal, tamaateh tan! Oson qeebi edde aban faaris, baaxok bagul fuluk axcuk gexxa caacoh innal, yamaate. Ken faras sissikaaneh qawiytak umah. Too saaku ummat: «Ahaysa baati nee tibbixeh! Nim tekkeh!» axcelon.

Daaniyel 7:13

«Anu bar woo soonoh addat an waqdi, sahdayti-baxi ceeloh innal tanim uble. Ta sahdayti ceelot yan numuy qamburre marot tabbixe amaatih uble. Sarrak woo ‹Kulli Waqdi Yaní› wokkel sugehiyya fan gexeeh, kay foocal kaa xayyoysen.

Hosiqa 8:7

Umaane yaysubukeenih, kaxxa umaane ken geele. Orbise ween darok gaqambo mabicsan. Daro orbiseenih gaqambo akak bicseenik, marin baaxoh marih gadda keenik akkele.

Ayyuqel 2:13

Qaadiyyah sara isinnik qanxissaanam xiqtam mali. Abten umaaneh nadaamitta 'xicay qado baguuk yol uduura» yaanam iyye YALLI. YALLAY sin Dagelta kinnihiyyal uduura. YALLI maqaane leeh, racmatta le Dagelta. Kaxxa kacanu yaybulle Dagelta kinni. YALLI dagoomut mabagcarrita; digaalat mayasissikaay sahda abta umaaneh sahdah qafu aba Dagelta.

Yoonas 4:2

Tohuk gexxaamah YALLA fan dooqa abe. Dooqah iyyemii, «YALLAW, anu ku farmo gabat luk buxak ugte saaku, ah abtu waytaamih cunxoh inni bagul luk suge. Isbaaniya baaxo akah kudem tohu. Atu kulli way maqaane kee racmatta le Dagelta kinnitom kok aaxigeh. Dagoomut mabagcarritaay digaalat matasissikaay kaxxa kacanu taybullee. Sahda abta umaanek sahdah qafu aba Dagelta kinnitom kok aaxigeh.

Zakariyya 9:14

YALLI isi marak daga raaqa aracal gacca 'yeh, cankaxi innah isi gaysê-baxa ruubele. YALLAY Mulki lehiyya baanta kaayisak, gabbi qaxak caacoh addat amaatuk qeebi abele.