Naacum 1:12 - NABUWWA KEE MALIKWA

¹² YALLI isi ummatak iyyaamah: «Assuuriyah mari celeema kinnoonuuh, manga loonuh immay bayeloonuuh; suge weenih innah ken bayseyyo. Yi ummatey, sin biyaakeh immay ahaysa sin mabiyaaka.

Naacum 1:12 Iomraidhean Croise

2 Malikwa 19:35

Too bar YALLIH malaykatti Assuuriyah-mari elle yan ikke amma 'yeh bool kee bacra-taban kee koona alfih num yiggifeh maacise. Saaku sinam xiinik ugutte waqdi, too gide yakke marih ginaada yublen.

2 Malikwa 19:37

Ayrok teena yalla iyyeh yaqbude duyyey Nisrok deqsittahiyya, wohuh bicsen qarih addal aqbuduk suge waqdi, kay xayloh nammayay migaaqah Adrammelek kee Sarxer deqsitta amma 'teh seefit kaa qiden. Sarrak Araarat deqsita rasu fan yoowwen. Kay aracal Isar-Caddon deqsita kay baxi malik yekke.

Yasaqya 10:16

Tonnal hay, YALLAY Dagelta kinnih, Nabaamak Nabahiyya kay qaskaray masu nabahiyyat xagar selta dalka ruubele. Usuk le massakaxxak gubal xagarat urta giray baruge waytahiyya ruubele.

Yasaqya 17:14

Bari yakke waqdi cunxo sinaamat qideloonuuh; maaci maacisa waqdi masugan. Ni baaxo buuba marih ellecabo tamah teetiiy; tamah keenit akkele.

Yasaqya 30:19

Isin Yarusalaamal yan marak ahaysa ruffa inteenih maweqtan. Yalla kallactan waqdi, siinih amqeleeh; cato kaal essertan waqdi, sin catele.

Yasaqya 31:8

«Assuuriyah mari seefit ambaxele'mmay, toh sahdayti bicse seef hinna. Ken mari too seefik kudele. Ken furrayna naqoosay dirkih tamsiisaana akkele.

Yasaqya 37:36

Tohuk lakal YALLIH malaykatti Assuuriyah-mari elle yan ikke barat amma 'yeh, bool kee bacra-taban kee koona alfih num yiggifeh maacise. Saaku sinam xiinik ugutte waqdi too gide yakke marih ginaada yublen.

Yasaqya 51:22

Sin Dagelti isi marih qaxat gaca. Tonnal KAAY malikih yani siinik iyyaamah, «Enneeqebbe saaku siinih ecee kobbaaya siinik beeyyo. Ahaysa lagaq sin hayta kobbaayat mataaquban.

Yasaqya 7:20

«Toh takku wayta saaku YALLI, xagor sinaamak moola Assuuriyah malik, Furaat weeqaytuk woo kabuk siinit ruubele. Too num deben kee amô-xagor kee xagaral yan xagor inkih siinik moolele.

Yasaqya 8:8

Tohuk lakal Yuudâ-rasu fanah, sahda filla fanah yanxuqe weeqih innah, kullim duufut beyak amaatelon. Ammaanuwelow, too qaskar fakimit tan kaxxa galway baaxo inkih duddahiyya akkele» yok iyye.

Daaniyel 11:10

« ‹Suuriyah malikih xaylo qeebih bica abeleeh mango qaskar gaaboysele. Keenik numuk teeni, weeqi'nnah duufut beyak warareleeh, ken naqboytiitih megdeb elle yani ikke fan qeebi abak amaatele.

Ayyuqel 2:19

Ken dooqa oggoleeh keenik iyyeemih, «Tahak wadir, darooy, qinabak bicsen kamri kee caxâ xaylok bicsen *zeytik (saliidik) sin cayiseyyo. Tahaysa sahda sin mabursutta.

Naacum 1:15

Naacum iyyeemih, «Wagitaay woo qaleelah kabuk, meqe xaagu gabat le farmoyti yamaateh yan! Wagari geytimem yaysaabbem faxa. Yuudâ-maraw, ifricay qiidih asaay, Yallah culten nadri ucuya. Sin naqboytiitiy umeynitih sugehiyya yembexeeh; ahaysa sin baaxo siinik beytam matana; ken inkitanuuk bayseh ikkal» iyye.