Naacum 1:10 - NABUWWA KEE MALIKWA

¹⁰ Isin yiskire maraw, kafte qayso kee ittat culah yan keenaanit gexxa girah innah cararetton.

Naacum 1:10 Iomraidhean Croise

2 Samuwel 13:28

Kay taamat yan marak iyyemii, «Amnon kaxxam yaskirem tablen waqdi, cubbusak suggu 'xicay; anu amri siinih aceeyyok, isin kaa qida. Mameysitina. ‹Macah kaa qiddeeniih?› siinik iyya mari yenek, yoo liton. Labha tikaay, tamahal namma kalbi mahana» keenik iyye.

Yasaqya 27:4

Ahaysa tet naqabuk raaqeh immay sissib tet addat yenek, hinnay keenan tet addat yenek, woysa tittat ken carriseyyo.

Yasaqya 47:14

Caffay gira edde gexxah bis lon. Gira keenit gexeleeh, ken cararisele. Too giray ken carrissu waytahiyyak isinni cataanam maduudan. Keenit gexxu waytam, xagar elle laqisan gira hinnaay, waacak garit akak daffeyan gira hinna.

Yasaqya 5:24

Tonna leemiik caffa kee qayso elle kafta innal kafettoonuuh, girat cararetton. Ragid siinik soxkele. Qobor siinik kafeh caacay beele. Toh siinit akah takku waytam, YALLAY Nabaamak Nabahiyya isi xintol siinih warsem cinteeniih, Israayil doore Dageltay *kudduusuk yanihiyya aba nek iyyem cinteenimih sabbata. Kay barittot maqal mahaysitinniton.

Yasaqya 56:12

Iyyaanamah, «Ama qinabak bicsen kamri neh baahaay, dudnah gide akak naaqubay. Beeri kaadu a saakih innah maacise kee ayse akkelek» iyyan.

Yasaqya 9:18

Macaay inteenik, oson lon umaane, eqebto kee sibaasibit gexxa girah gide. Ken umaane garbot gexxa giray qer qaran fan akak yawqehiyyah gide.

Ermiyaas 51:39

Kaxxam satqitan waqdi rikeek tan afxago keenih aceeyyo. Too afxagot askireloonuuh, kaxxam asuuleloonu'mmay, tohuk lakal sarrah-akak-ugte-waan-xiinih xiinelon.

Ermiyaas 51:57

YALLI iyyemii, «Abbobtih yan mara kee kasloytitiiy, xintoh abbobti kee doolatak saqoltih yan mara kee, agiirah tan qaskaray Baabeloonul tanihiyya askiriseyyo. Woo sikratat aboonu waan xiinik way muugutan. Tahat yabtam yoo Maliki. Anu YALLAY Nabaamak Nabahiyya kinniyo» iyye.

Miika 7:4

Ken kaxxa mari foyyaay, baaxok bagul yooboke waaqeexik mayaysa. Yalli ummatah dumal elle ken nabuwway ken dacrisak sugteh kabuk keenih elle warse innal, ken edde digaalu waa ayro temeeteh. Too waqdi baditit sugelon.

Naacum 3:11

Nanawê-maraw, isin kaadu yiskire marih innah lagaggaq edde intaanaah, naqboytiitik sasseenih edde tambooqoren aracih goranah, tardoonu waytan saaki amaatele.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.

1 Samuwel 25:36

Tohuk wadir Abiigal, Nabal fan tuduureeh; elle tuduure ikkel kaxxa xiglah addat sugeeh, iskirra 'yeh kaxxa farcit suge. Too ayro yab kaa'lih maabinnaay,