Malaaki 3:1 - NABUWWA KEE MALIKWA

¹ YALLAY Nabaamak Nabahiyya siinik iyyaamah, «Gita yoh bicsa'gidih, inni farmoyta ruubeyyo. Tohuk lakal isin faxak sugten YALLI garciik isi Qibaadah-Qari amaatele. Isin assexeeruk sugten farmoytay yi qahdit yaabu waahiyya amaatelem digga le.

Malaaki 3:1 Iomraidhean Croise

Yasaqya 40:10

«YALLAY Mulki le yamaateh, baaxo isi caylat xiinisuh, mamaatat yan, yamaateh yan; isi galto luk yamaate. Isi-ummatay isih wade, gabat baahak, yamaateh yan.

Yasaqya 63:9

Ken taqabi kaa taqbiseeh, tonna leemiik luk suggu 'yen gadaamak ken yeyyeeqe. Ken waddem, malayka hinna YALLA ikkala. Keenih le kacanu kee isih le xuwaawak gexxaamah, ken cate. Dumî dabaanal kulli way amo keenik wagitak suge.

Yasaqya 7:14

Tonna'mmay YALLI asta isih sin aybulleele. Baxuwwah tan barra aadiqeleeh, lab-baxa xaleleeh, too awki migaaqah Ammaanuwel deqsitele.

Yasaqya 9:6

Macaay inteenik, awki neh yooboke. Baxi neh yontocowwe. Usuk abbootan gabat le. Migaaqah «Qajiibik yan Fayisi», «Nabaamak Naba Dagelta», «Waara Abba», «Amaan Yamliki» 'yaanam kaah axcelon.

Caggay 1:13

Too waqdi YALLIH farmoytah yen nabi Caggay kay farmo ummattah warseeh, keenik iyyeemih: «YALLI siinik iyyaamah: ‹Anu sin lih aniih, yi taamay abtaanal siinik baxsime waamah xagana siinih cula› siinik iyyah yan» keenik iyye.

Malaaki 2:4

Toh siinik akah axcem, Leewik rade maray seekah yanihiyya lih heeh suge xagani tohuk wadir digga iyya'gidi. Too saaku toh aaxigetton. Tah intam yoo YALLAY Nabaamak Nabahiyya.

Malaaki 2:7

Nummâ-gita ummat barsaanam, seekal tan taama. Seeka yoo YALLAY Nabaamak Nabah yanihiyyah fayxi ummat barsaana'gidih, ummat keenil gexxam faxxinta. Seeka yi farmoytiitiy yi farmo ummatah warissa kinnon.

Malaaki 4:5

«YALLIH ayroy sahda akak meysitta kaxxa ayro kinnihiyya tamaateemik naharal, anu nabi Eliyyas sin fan ruubeyyo.