Makaabon 7:8 - NABUWWA KEE MALIKWA

⁸ Too waqdi Gidqoon woo sidiica boolih numuk kalih mara buxah ruube. A sidiica boolih num, woo mari gabat luk suge sakayi kee *baantooti keenik raaqisen. Miidiyan mari, oson elle yanin aracak gubat raaqa daqaaral yinfiddigen.

Makaabon 7:8 Iomraidhean Croise

Yasaqya 27:13

Too ayro, kaxxa *baanta aagureloonuuh tet kaayiselon. Masri kabuk gitah been mara kee, Assuuriyal baatit yan marah seecaana'gidih tet aagurelon. Too baanta aabbeloonuuh amaatelon. Yarusalaam-qaley saytunil YALLA aqbudeloonuuh, kaa aynabelon.

Yoosuwa 6:20

Sarrak seeka baanta toogoreeh; too waqdi raqqa 'ye mari too baantah anay akah yoobbe innaak kaxxa xongoloh xongolen. Too waqdi magaalat maroh tan gasoosa tiddigilleh. Sarrak qaskar takkeemik woo magaala elle tan kooma fan yewqeeniih magaala yibbixen.

Yoosuwa 6:4

Malcina seekiy maruw gaysak bicsen *baanta gabat lehiyya woo YALLIH Qahdih-Sanduguk foocat gexxaama. Malcinhaytoh ayro woo seeka baanta taagure waqdi, koo kee ku qaskarak takkeenimik woo magaalat malcina adda mermerita.

Makaabon 3:27

Qaleela le Efrayim rasu gufe waqdi Israayil marah *baanta yoogoreeh, «Ummatey carbih uguta» iyye. Too mari yemeete waqdi, qaleelâ baguy dabaqah elle sugeenik foocat gacca 'yeh ken bee.

Makaabon 6:33

Tohuk lakal Miidiyan kee Qamaalek kee ayrô-mawqa le kabu ten baaxol eneyya 'ya mari inkih tittal gaabowwa 'yeh, Ordon weeqaytuk gacca 'yeenih Yidraqel-Daqaral yinfiddigen.

Makaabon 7:7

Too waqdi YALLI Gidqoonuk iyyeemih, «A sidiica boolih numuy lee gabah kumusak aaqabuk sugeenihiyyah gabat, Miidiyan marak sin aysiiseyyok, raqqa 'ye marak inkih buxah uduura inxic» iyye.

Makaabon 7:9

Too bar YALLI Gidqoonuk, «Ugutaay gexay qeebi keenit abay; elle yanin arac keenik ibbix. Anu keenik koo aysiiseyyok» kaak iyye.