Makaabon 3:12 - NABUWWA KEE MALIKWA

¹² Israayil mari isi uma taamat qagteeh; too uma-taama YALLIH garil dambih keenil loowinte. Oson too umaane abeenimih sabbatah, YALLI, Qeglon deqsita malikiy Mooyab rasul malikih yenehiyyah qande yeceeh keenik yiysiise.

Makaabon 3:12 Iomraidhean Croise

1 Samuwel 12:9

Takkay immay sin kaxxa abbobti isinni Dagelta hawwenteh. Tohih sabbatah YALLI, Caxor-magaalah qaskarih abbay Sisra deqsita keenit abe qeebil woo marak ken gacsiiseh. Tonnah kaadu, Filistiin mara kee Mooyab marih malik keenit abte qeebil woo marak ken gacsiiseh.

Makaabon 2:19

Woo makaabonuy Yalli keenih heehiyya rabtek wadir, duma ken kaxxa abbobti abak sugte uma-taamak lafitta 'ta uma-taama abak yenen. Yalla cabba heenih duyyeeya yaqbudeenim dumak laffa haak abak yenen. «Ninnih fanxem abenno» axcuk, uma-gita cabaanam cineenih.

Hosiqa 6:4

Takkay immay YALLI iyyeemih, «Israayil kee Yuudah ummatey, maca siinik abu? Yoh liton kacni saaki-silaalo elle gexxa'nnal, siinik gexa. Ayro laqta way taarre saldah innah, siinik yeerreh.

Daaniyel 5:18

Malikow, Yallay kulliimik daga raaqahiyya ku abbah yen Nabkadnessar kaxxa malik abeeh migaq kee heebatiiy nabna kaah yecee.

Daaniyel 4:22

Malikow, too caxa koo kinni. Atu naba malikiy kaxxa qande le tekke. Kaxxam tembeeh, abbootan kok qaran gufeeh, qande kok addunyâ-bagul fixixxeh.

Yacedkel 38:16

Yi Israayilih ummatat caacoy baaxok baaxo gexxah innah, elle temeete innaak qeebi abetto. Sarrah yan dabaanah, yi baaxo tabbixe'gidih, koo ruubeyyo. Toh akah abu waam, raqqa 'te baaxooxah mari yoo yaaxige'gidiiy, tonnah kaadu, kol baahu waamak gexxaamah, taahirik yan Dagelta kinniyom yok yaaxigeeni'gidi» iyye.

Yasaqya 37:26

«Anu aham takku waytaamal dumaak maliseh sugem maabbito inna? Away woh absissem yoo. Woo gasoosa maroh edde tan magaalooli riira edde abte qande koh teceem yoo.

Yasaqya 10:15

Takkay immay godma gabat tet le numuk nabiyoh intam bictaa? Miisar tet gabat le numuy duyye teetit yargiqehiyyak maay yayse? Gabâ-caxxi num mayakkuqa; num gabâ-caxxa yakkuqe ikkal.

2 Malikwa 5:1

Suuriyah-malik, Niqmaan deqsita Suuriyah-qaskarih-abba kaxxam assakaxxayuk yeneeh kaxxa arac kaah abak yen. Woh akah tekkem, YALLI, Niqmaan gabat Suuriyah qaskarah iisa yeceeh yen. Usuk kaxxa qaskariitak ten. Takkay immay arab takme kaxxam uma dalka luk yen.

Makaabon 2:14

Toh keenik yuble waqdi, YALLI bagcarriteeh; umeynit buxaaxi keenik akah bubta'nnah abe. Dariifal keenik sugga 'te naqboytit caylah keenik yiysiiseh. Naqboytiitit koysitoonu yeffereenih.

Makaabon 2:11

Tohuk lakal Israayil mari YALLIH garil dambi lem abak maacisen. Yalla cabba heenih Baqal deqsittaamay Yallih innah yaqbudeenihiyyah qibaadat gacen.

Makaabon 3:11

Tohuk lakal morootom sanatih gide woo baaxol amaan gace. Sarrak Qotniyelil Yallih amri yemeete.