Makaabon 16:3 - NABUWWA KEE MALIKWA

³ Takkay immay Samsoon woo barra lih xiinit sugem, inkih yan bar hinna'mmay barak gudek ten. Sarrak ugutta 'yeeh woo magaalak culmeynah yemeeteeh; too waqdi woo gasoh alif kee alfinti cooxuuy mafaatic inkih kalla heeh, wohim inkih sunkut hayya heeh, Cebron magaala akak tambulle qaleh amo fan luk yewqe.

Makaabon 16:3 Iomraidhean Croise

Miika 2:13

YALLI gita keenih fakele. Magaala akak culan afa butukka heenih, num xagar keenik xage'kal gexelon. YALLAY keenik malikih yanihiyya isih foocat gacca 'yeh ken beele.

Makaabon 16:2

Gaadâ-mari Samsoon woo magaalal yaniimih xaagu geen waqdi, woo arac marot hayya heenih, yawqem fan woo magaalak culmeynal inkih yan bar kaa qambaalak xiinen. «Maaci maacisam fan elle kaa qambaalennooh; yamaate waqdi, kaa qidenno» 'yaanam isinni niyal hayya heenih inkih yan bar tibba axcuk sugen.

Makaabon 16:4

Tohuk lakal Samsoon Soorek deqsitta golol ten Daliila deqsitta barra yikcine.