Hosiqa 9:4 - NABUWWA KEE MALIKWA

⁴ Too baaxoy kenim akke waytahiyya gexoonu waan saaku, qinabak bicsen kamri YALLIH sadgatah acayuk maraaqan. Sadgatah saq qidaanamah YALLI keenik maraabita. Tonnah yan sadgat woo saaku akminnaan numul caraamu akkele. Rabe numih migaaqal yakmen maaqoh gide keenil akkele. Satqak bagi kibah yakmen maaqoh gidek keenih loowimele. Oson sadgatah qidan saqih cado, YALLIH Qibaadah-Qaril aban sadgatah keenik moorobta.

Hosiqa 9:4 Iomraidhean Croise

Yasaqya 57:6

Too goloolak saytun xeet beyya haytaanaah yalla axcuk taqbuden. Qinabak bicissen kamri kee daro, woo xeetih sadgatah bahtan. Anu, abtan umaane abalih, siinih xuwaawam meqem kinnim maay takkalen?

Yasaqya 66:3

«Sahda isih faxxem abbaasitta. Sadgatah saq qidaanam kee sahda qidaanam keenil inki gide. Anaqtu qidaanam kee kuti filla yaggileenimiiy, daro sadgatah baahaanam kee ceray qabala sadgatah caxaanam keenil inki gide. Qaydarus qeerisaanam kee, deedaltam yalla 'yeenih yaqbudeenim keenil inki gide. Yalla umâ-yabulih yan gital yaqbudeeniih, tohut ruffa iyyan.

Ermiyaas 16:7

Kicinuk sugen num rabaamah, taqdiyyah sinam tittal matamaataay, rabe numih rabeynah maaqo titta lih mayakman. Numuk ina kee abba rabtaamah, taqdiyyah kaal yamaate num mageytima.

Ermiyaas 6:20

Saba deqsita rasuk yoh bahtan qaydarusut anu maca waah? Hinnay kaadu, xer baaxok bahtan qibaadah-haan-sukutit faxam mayyu. Yoh bahtan sadgoota yi garil oggol siinih mali. Cado akak carrisan sadgatay yoh abtaanahiyya siinik mafaxa» 'yaanam siinik iyye.

Yacedkel 24:17

Sinkibitah koo aabbe waama. Rookat taniimih asta koh takke'gidih, amok qumaamat makalin. Ibak kabella makalin. Foocal saro isik mahan. Rookita mari yakme maaqo maxagin» yok iyye.

Yacedkel 24:22

Too saaku ama Yacedkel abem abetton. Foocal sara isinnik mahaytan. Rookita mari adoobita maaqo matakman.

Daaniyel 1:8

Daaniyel, malik buxah maaqo kee maqab nadaasak yanim yeexegeeh; tohih sabbatah, malik gubal yan numuy Asfanad deqsitahiyyah a maaqo faxe waam warse.

Hosiqa 3:4

Israayil mari kaadu tonnah malik haysite'kal, abbah num hee'kal, sadgat abe'kal, xeetik bicsen qamidway yaqbudeenihiyya kee Yalla 'yeenih tu elle esseran duyye aalle'kal, mango wakti qambaalak sugelon.

Hosiqa 7:16

Yoo cabba heenih, yoo akke sinniimiy hebeltohim xiqe waytah qibaadat gaceenih, makot tan gaysey tu anfiqe wayta yekken. Ken abbobti kaxxam kaxxiinitta'mmay, uma rabah rabeloonuuh, Masri mari keenil anqaasah rabelon» iyye.

Hosiqa 8:13

Yi migaaqal sadgatah saq qidan. Qiden saqih cado yakmen. Takkay immay yooy YALLA kinni ken inqibeh, ken faxah maan. Oson baahen dambi aaxaguk ken akah digaaleyyo. Akak yemeeten Masri fan ken gacseyyo.

Ayyuqel 1:13

Hay tonnal, isin seekay sadgat elle aban aracih foocal taamittahiyyak, *qabuudut gacca 'xicay rookita. YALLIH Qibaadah-Qarih addal inkih yan bar rookitak xiina. Ahaysa Yallih sadgatah baahak tenen daro kee kamri gaba kaleh.

Ayyuqel 1:9

YALLIH Qibaadah-Qarih addal sadgatah acayuk sugen qinabak bicsen kamri kee daro gaba kalteh. Seekay YALLIH naqoosah tanihiyya abak ten sadgat ahaysa mageytaay, tohih sabbatah rookitan.

Ayyuqel 2:14

YALLAY sin Dagelta kinnihiyya siinih loowe digaalak yaduurem takkeh. Orbissan murtit barkat heeh, yaymaggem takkeh. Too saaku kamadi kee qinabak bicsen kamri sadgatah YALLAH aceetton.

Qaamus 5:22

Cado akak carrisan sadgat kee, daro yi migaaqal sadgatah bahtan way, anu siinik moggola. Gablusen saqih sadgat siinik moggola.

Malaaki 2:13

«Tohuk kalah abtaanam liton. Toh macaay inteenik, abtan sadgat YALLI siinik oggole weem tablen waqdi, kay sadgat elle aban aracal weqtaanah ximo caxxan. ‹YALLI ni sadgat cineh› axcuk kaxxa weeqah weqtan.