Hosiqa 8:5 - NABUWWA KEE MALIKWA

⁵ Samaariyal yan maraw, dahabak bicsen daheltih ceeloy taqbudeeni ablem mafaxa. Tah aba mara anqibeh. A mari taahirik tan taama abu waam, maa saakuk tan kaa?

Hosiqa 8:5 Iomraidhean Croise

2 Aydaad 13:8

Ta saaku kaadu isin Dawuduk rade maray YALLI isih dardaarinna akah yeceehiyyat qeebi abtaanamal malissen. Kaxxam mango qaskar haysittaay dahabak bicissen daheelah ceeloy Yarobqam siinih bicseeh yalla axcuk taqbudeenihiyya haysitta hayteeniih,

Yasaqya 45:20

YALLI iyyamaa: Baadal tan ummattak saaboh raaqe maraw, titta fanah gacaay inki aracal gaaboowa; inkih yoo fanah amay. Cooxuk bicsen duyyey yaqbudeenihiyya ukkuqqa heeh baaxo meksiisa mari, kas cabe mara. Oson too duyyey hebeltô-tu'xiq sinnihiyya yaqbudeeniih ta duyyek, ‹Nee wada› iyyan.

Ermiyaas 13:27

Anu innih niqbiyom abah sin uble. Barril, koomaamih amol duyye aqbudih sin uble. Too duyye elle aninnaan ikke, cuggayti barrah dalwah kuula num elle kuula'nnal, isin kaadu too duyye taqbudeeni'gidih too duyye elle aninnaan ikke lakal gexxan. Danan oklô-lakal nikloh elle yarde'nnal, too duyyeh lakal tarden. Yarusalaam maraw, edde taniinim baatik, taahirrowtoonu waytaanam maa saaku?» 'yaanam siinik iyye.

Ermiyaas 4:14

Yarusalaam ummatey, waddintaana'gidih umaane afqadok isinnik kala. Bagut umaane kulli way maay xiinissan?

Ermiyaas 48:13

Duma Israayil, elle aaminuk yen Beetalat wacarriyya akah iyyen innah, Mooyab mari kaadu ah keenit takku wayta saaku, Kamos akak 'yaanamay yallah loonuhiyyah abak sugen qibaadat wacarriyelon.

Hosiqa 10:5

Samaariyal yan mari dahabak bicsen dahaltuy yaqbudeenihiyyay Beet-Awenil yanit takku waytaamak meysitak yanin. Keenik baysoonu waan saaku, rookitelon. Woo daheltih ceeloh baahan sadgat gabal akak acayuk sugen seeka, woo ceelo le nabna kasitak kaat tekke baatih boogisele.

Hosiqa 10:8

Beet-Awenil fayya le ikkel tan aroocay uma-taama elle abak sugeenihiyya bayele. Oson bicsen qibaadah aroocal waaqex kee keenan aabukele. Ummat qaleelak, ‹Nee uqura› axcele. Koomaamik, ‹Nel radaay› axcelon» iyye.

Hosiqa 13:2

A saaku inkinnah woo umaanet bisoh gexak gexaanaah, isinni gabak lakqok bicsen duyye yaqbuden. Too duyye gabâ-naggaarinna keenik leh yan mari bicissa haah, sarrak yaqbudeenih. «A duyyeh sadgat aba» iyyan. Laahi ceeloy gabak bicseenihiyya fugtan! Sahdayti isi gabak bicse ceelo wadir mannal fuguta?

Hosiqa 8:6

Israayil mari yaqbudem, num gabak bicse duyye ikkalah Yalla hinna. Samaariyal yan mari yaqbude daheltih ceelo bututtukku heelon.

Qaamus 8:14

Too ayro Samaariyal tan ceelo iyyaah Daan mari yaqbudem iyyaah, Bersabaq-dageltaw axcuk yaqbuden duyyeh migaaqal xiibita mari inkih bayele. Too baatik muugutan› 'yaanam yok iyye» iyye.

Miika 1:7

Xeet kee coox kee biriitak bicsen duyyey aqbuduk sugeenihiyya riira akkele. Woo duyyeh qibaada elle aban qaril tan xiiqareh-xiinah yan agabuh acayuk sugen duyyet inkih gira gexele. Too yaqbuden duyyeeyah ceelo bayele. Woo duyye naqboytiitih keenik yan mari keenik beeleeh; too duyyey beenihiyya isinni yallitteh ceelo elle yaqbuden qarwal tan xiiqareh-xiinah aceelon» iyye.