Hosiqa 7:16 - NABUWWA KEE MALIKWA

¹⁶ Yoo cabba heenih, yoo akke sinniimiy hebeltohim xiqe waytah qibaadat gaceenih, makot tan gaysey tu anfiqe wayta yekken. Ken abbobti kaxxam kaxxiinitta'mmay, uma rabah rabeloonuuh, Masri mari keenil anqaasah rabelon» iyye.

Hosiqa 7:16 Iomraidhean Croise

Yasaqya 3:8

Hay tonnal Yarusalaam baatih lagaq intaah, Yuudâ-rasi finqah gexam faxa. Abba haanam kee inxicca 'yaanam inkih, Yallal saduh taniimi. YALLA qaduk xaafan.

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Ermiyaas 3:10

Toh abak suggu 'yeenik lakal, Yuudâ-mari yol yaduurem ceele'mmay, woh nummâ-madaarak masuginna. Tah intam yoo YALLA› 'yaanam siinik iyye» keenik iyye.

Ermiyaas 42:18

«YALLAY Nabaamak Nabah, Israayil doore Dagelta kinnihiyya iyyaamah: ‹Yi naqbi Yarusalaam maral akah oobe'nnah, uxih kaadu yi yab cinna heeh Masri gexu waa maral oobele. Woo marat tekkem net akke waytay akak iyyan mara akketton. Sinam titta abaarta waqdi, Woo marat tekkem siinit takkay akak iyyan mara akketton. Sahda bursutta mara akketton. A rasu ahak wadir matablan› siinik iyyeeh, YALLI tamah siinil gacseemi» keenik iyye.

Yacedkel 23:32

YALLAY Mulki lehiyya iyyeemih, «Ku maqanxa akak tooqobe kobbaayak aaqubetto. Too kobbaaya, nabna kee adda le kobbaayay kibuk tanih tani; tonna-leemiik ummat kaxxa anqas kee digirih koo haysitele.

Yacedkel 36:20

Elle gexinnaan baaxol yi migaaqay taahirik yanihiyya baysen. Toh mannalaay intek, ‹Ama mari YALLIH marak tene'mmay, a saaku kay baaxo cabeenih gexaanah yanin› 'yaanam iyyaanaah; yi migaq keenil xagan.

Daaniyel 7:25

Yallay inkih daga raaqahiyyak aaminnaanim axceleh, Yallih ummattat xukkutele. Muusa keenih yecee xinto kee qiddi ayroora elle suge wayte'nnal korisam keh gabbateleeh; wakti kee waktitte kee waktik garab gide isi amrih gubat heele.

Hosiqa 11:5

Tohuh, yol aduure cineenih. Tohuk gexxaamah, Masri fan ken gacseyyo. Assuuriyah mari keenil ackumele.

Hosiqa 11:7

Yok yaxxeereenim dooriteeni'mmay, fillal keenik hoonu waan quukih catô goranah sahdat xaaqimeloonuuh; yol kaadu weeqelon. Too saaku cato rikek mageyan» iyye.

Hosiqa 6:4

Takkay immay YALLI iyyeemih, «Israayil kee Yuudah ummatey, maca siinik abu? Yoh liton kacni saaki-silaalo elle gexxa'nnal, siinik gexa. Ayro laqta way taarre saldah innah, siinik yeerreh.

Hosiqa 7:13

Bayeenih! Yi yab cineeniih, yoo cineenih. Ken catam faxeh immay finqitelon. Makot yoo yuqbudeeniih, tohih sabbatah bayelon.

Hosiqa 9:3

Israayil mari a YALLIH rasul maraaqay, ahak sarra Masri fanah aduurelon. Assuuriyal caraamak tan maaqoh gacelon.

Hosiqa 9:4

Too baaxoy kenim akke waytahiyya gexoonu waan saaku, qinabak bicsen kamri YALLIH sadgatah acayuk maraaqan. Sadgatah saq qidaanamah YALLI keenik maraabita. Tonnah yan sadgat woo saaku akminnaan numul caraamu akkele. Rabe numih migaaqal yakmen maaqoh gide keenil akkele. Satqak bagi kibah yakmen maaqoh gidek keenih loowimele. Oson sadgatah qidan saqih cado, YALLIH Qibaadah-Qaril aban sadgatah keenik moorobta.

Hosiqa 9:6

Ken baaxo bayisu waa saaku, yasillimu waa mari Masri baaxol gexeleeh, magaqah Moofu deqsita aracal ken aaguqelon. Oson duma yedderen qado-lakqo elle luk sugen arooca kee, dabaaqah edde sugen buxaaxi elle ten aroocal, keenik waaqex kee sissib aabukele.

Malaaki 3:13

YALLI iyyeemih, «Ummatey, ceele waytam yok intan. Ceele waytam inxicca teenih wadir, ‹Kot ceele waytaamay sittak innehiyya macaay?› intan. Yok inteenim siinih warisu waa.

Malaaki 3:14

‹YALLAY Nabaamak Nabahiyya yaqbudeenim xiqtam mali. Usuk aba iyyem abaanam kee, Yallaw umam bahne 'yeenih weeqaanam xiqtam mali. Tu kaak magennino› intan.