Hosiqa 7:1 - NABUWWA KEE MALIKWA

¹ YALLI iyyeemih, «Israayil ummatay yi marah tani catam faxaah, maqaane keenih abam faxinnaan waqdi, aaminnaan taama kee gacca intaamat asah ken able. Titta ayrisan. Sahdâ-buxaaxi garqan. Sahda giti addal radan.

Hosiqa 7:1 Iomraidhean Croise

Yasaqya 28:1

Efrayimih yooboke maraw, kamri taaqube sakaareenow, able liton; woyyow axcetton. Amo elle miqiton magaala, qobooruk bicisen kalabtaay; elle kaxxiinittaanam teeti. Woyyow, teetit takku waytaamow! Niqmatak tan kayrih tan golok daga raqta magaala siinik birroh innah laqaymuumele. Qaxa liton bilqa litoonuh immay bayettoonum digga le.

Yasaqya 59:13

Kooy ni Dagelta kinnihiyyal makneeh, koo kataye cinneeh kok nexxeere. Sahdat elle xukkutan inna malisnaah; edde nacsubem, hoxaay; edde yabnam, diraaba. Tah inkih abne» 'yaanam iyyan.

Yasaqya 59:14

Tonna-leemiik, qadaalat mayanaay; cakkik tan maqaane baaxok teerreh. Numma qado-laqo qellitteeh, amaanat bayeh.

Ermiyaas 51:9

Allî-maray wokkel yanihiyya iyyu waamah, ‹Baabelon mara cate rarne'mmay, elle cattiiman innal yaniinih mayanin. Ahaysa mariiy isi baaxo fan nek gexaama. YALLI isi kaxxa qandet tet digaaleh yaniih, akak ugte wayta baatih tet bayseh yan› 'yaanam axcelon.

Yacedkel 16:46

Barah kok naba ku maqanxáy Samaariya deqsittahiyya kee tet xaylo dabaaqah-elle-tanim, atu elle tani'kkek kilbat le kabut raaqa araca. Kok qunxa maqanxá kee dariifal tan gaandoodiy gabbi-qaxat kok raqtahiyya, migaaqah Sodom deqsitta.

Yacedkel 23:4

Keenik barah naba maqanxá migaaqah Ohola deqsitak ten. Ohola, Samaariya deqsitta magaala kinni. Qunxa maqanxá Oholiba deqsitak teneeh, is kaadu Yarusalaam magaala kinni. Anu ken nammayal rihimeeh, xaylo yoh xalen.

Yacedkel 24:13

Yarusalaamey, atu abte caraami nadaasa koo abe. Taahirik koo haam faxeh immay nadaasak taduuru cinteh. Ahaysa yi naqbi le'nna able'kal, nadaasak mataahirrowta.

Hosiqa 10:5

Samaariyal yan mari dahabak bicsen dahaltuy yaqbudeenihiyyay Beet-Awenil yanit takku waytaamak meysitak yanin. Keenik baysoonu waan saaku, rookitelon. Woo daheltih ceeloh baahan sadgat gabal akak acayuk sugen seeka, woo ceelo le nabna kasitak kaat tekke baatih boogisele.

Hosiqa 11:12

YALLI kaadu iyyeemih, «Israayil ummat dirab kee ayra yol tecee. Yuudâ mari yi yaabih cinat yanih; yooy digga leeh taahirik yan Dageltah yani cineenih.

Hosiqa 11:8

Kaadu qagseh iyyeemih, «Israayil maraw, siinit darre cabam yoh mabicta. Siinit takkeemik tibba axcem yoh matakka. Adma deqsita aracak akah abe'nnah, sin maay baysoo? Xiboyimil baahem siinil maay baahoo? Toh baaham maduuday, kaxxam sin kiciyyo.

Hosiqa 12:1

Israayil mari, maaci maacissiy bari tikka 'yam fanah, baatik sah keenih xiqtam alle waytaamat asan. Titta ganaanam kee umaane tittal baahaanam qaada keenik tekke. Masri kee Assuuriyah mara lih bica haysiten» iyye.

Hosiqa 12:2

YALLI Yuudâ-marat tu haysitah; Israayil mari aba taamah YALLI ken digaalele. Abeenim keenik gacsele.

Hosiqa 4:17

A mari yi aftok xeet kee cooxuk bicsen duyyet aban qibaadah milkih gacen. Ahaysa yanoonay ken inxica.

Hosiqa 4:2

Xagana akah culeenim maduudusan. Diraabat yaaban. Sahda qidan. Garqa abaanah dalwat asan. Biili biiluk yembeggeh. Sahda kulli ayro titta qidak assa.

Hosiqa 5:1

«Seekay, ankacisa. Israayil ummatey, axcem oobbeya. Malikwa kee keenih ramad le maraw, edde yaaba yab ayti yoh acuya. Abtan cokmi qadaalatat abtaana'gidih, siinil yontocowweh immay, woh maabinnitoonuuy; tonna leemiik isin abba haytan cokmi siinil aduurele. Mixfa deqsita aracal, sahdah oflo tekken. Taabor qaleh amol, sabakat kullum elle yabbixen innal sahda tabbixen.

Hosiqa 6:4

Takkay immay YALLI iyyeemih, «Israayil kee Yuudah ummatey, maca siinik abu? Yoh liton kacni saaki-silaalo elle gexxa'nnal, siinik gexa. Ayro laqta way taarre saldah innah, siinik yeerreh.

Hosiqa 7:13

Bayeenih! Yi yab cineeniih, yoo cineenih. Ken catam faxeh immay finqitelon. Makot yoo yuqbudeeniih, tohih sabbatah bayelon.

Hosiqa 8:5

Samaariyal yan maraw, dahabak bicsen daheltih ceeloy taqbudeeni ablem mafaxa. Tah aba mara anqibeh. A mari taahirik tan taama abu waam, maa saakuk tan kaa?

Hosiqa 8:9

Yabti cinah dabookali yekkeeniih, isinnih faxen gitat gexa mara yekken. Assuuriyah rasu fan catô-goranah gexeeniih, doolatwak nee catah guqul yeceen.

Qaamus 3:10

YALLI iyyamaa, «Numma akak inxicca 'yaanamak, isinni yeyxeere mara kinnon. Marin im dulmi kee qandet beyaanaah isinnih haysitan. Edde yaddereenim, marin imi.

Qaamus 3:9

Qaamus qagseh, «Asdood magaalal tan kaxxa qarwah adda kee Masri rasul tan kaxxa qarwah addal yan marak, ‹Samaariyah xaqul yan qaleelal gaaboowa. Wokkel tan amaan-sinna kee ummat abta umaane wagita› inxicay awadah keenih warisa» iyye.

Qaamus 8:14

Too ayro Samaariyal tan ceelo iyyaah Daan mari yaqbudem iyyaah, Bersabaq-dageltaw axcuk yaqbuden duyyeh migaaqal xiibita mari inkih bayele. Too baatik muugutan› 'yaanam yok iyye» iyye.

Miika 6:16

Tah akah takku waytam, Malik Qomri kee kay baxa Malik Acab abak sugte uma-taamah amo tibbixeenimih sabbata. Tohuk gexxaamah sin bayseyyo. Sahda inkih sin ilaaqele. Kulli baaxoh mari qunxa intit sin ablele» iyye.