Hosiqa 6:4 - NABUWWA KEE MALIKWA

⁴ Takkay immay YALLI iyyeemih, «Israayil kee Yuudah ummatey, maca siinik abu? Yoh liton kacni saaki-silaalo elle gexxa'nnal, siinik gexa. Ayro laqta way taarre saldah innah, siinik yeerreh.

Hosiqa 6:4 Iomraidhean Croise

Ermiyaas 3:10

Toh abak suggu 'yeenik lakal, Yuudâ-mari yol yaduurem ceele'mmay, woh nummâ-madaarak masuginna. Tah intam yoo YALLA› 'yaanam siinik iyye» keenik iyye.

Ermiyaas 3:19

«Israayil-maraw, anu inni bagul, baxi gurrah sin loowitam faxak suge. Addunyal inkih qaxah tayse baaxoy ruffa sin haytahiyya siinih aceem faxak suge. Abbâ-gurrah yoo loowittaanam siinik faxe. Yot darre cabe waytaanam siinik faxe.

Ermiyaas 34:15

Away xayi saaku, duma edde sugten qellat ixigga hayteenih, ruffa yoo haytam abteenih sugten. Toh macaay inteenik, takkeenimiik titta geyya hayteenih, sin maray naqoosah luk sugteenihiyya cabteeniih, curri ken abteenih sugten. Too sittin-gey yoo elle yaqbuden yi qibaadah qarih addal yi migaaqal abten.

Ermiyaas 5:23

Isin yab aabbe sinni mara tekken. Yoo cabteeniih, cakki gitak tewqeenih.

Ermiyaas 5:7

YALLI siinik iyyeemihii, «Isin yi mara kinniton immay yoo cabba hayteenih gabak bicsen duyyek Yalla inteeniih taqbudeenik, tohoysa qafu mannal siinih axce? Maaqok nagay sin adoobiseeh, rike siinit macabinniyo'mmay caraamuk aade cinteeniih, xiiqareh-xiinâ-buxaaxi dabaaqah haysitten.

Ermiyaas 5:9

Tannah yan mara digaale week, maa mara digaalah an? Ken digaaleyyo. Ta marak cane gacseyyo. Tahat yabtam yoo YALLA.

Ermiyaas 9:7

Tohih sabbatah YALLAY Nabaamak Nabahiyya iyyaamah: «Birta girat elle yagirriben innal, anu inni mara agirribeyyo. Yakken mara keenik ableyyo. Yi mari aba dambi able waqdi, toh keenik abe week, maca keenik aba?

Hosiqa 11:8

Kaadu qagseh iyyeemih, «Israayil maraw, siinit darre cabam yoh mabicta. Siinit takkeemik tibba axcem yoh matakka. Adma deqsita aracak akah abe'nnah, sin maay baysoo? Xiboyimil baahem siinil maay baahoo? Toh baaham maduuday, kaxxam sin kiciyyo.

Hosiqa 13:3

Tohih sabbatah ta mari, saaku maacisa naafu kee qubul ayro tewqek wadir elle baata'nnal, bayelon. Anfiyan daroh caffa caacay elle beya innal qellitelon. Girak yawqe qer elle baya innal bayelon.

Hosiqa 7:1

YALLI iyyeemih, «Israayil ummatay yi marah tani catam faxaah, maqaane keenih abam faxinnaan waqdi, aaminnaan taama kee gacca intaamat asah ken able. Titta ayrisan. Sahdâ-buxaaxi garqan. Sahda giti addal radan.

Makaabon 3:12

Israayil mari isi uma taamat qagteeh; too uma-taama YALLIH garil dambih keenil loowinte. Oson too umaane abeenimih sabbatah, YALLI, Qeglon deqsita malikiy Mooyab rasul malikih yenehiyyah qande yeceeh keenik yiysiise.