Hosiqa 5:4 - NABUWWA KEE MALIKWA

⁴ Hosiqa iyyeemih, «Ummat abtam Yalla fan adaari ken haytah matan. Oson xeet kee cooxuk bicsen duyyeh abak sugen qibaada Yallak ken teyxeereh. YALLA yaaxagoonu cineenih.

Hosiqa 5:4 Iomraidhean Croise

Ermiyaas 24:7

Anu yoo edde yaaxigen kas keenih aceeyyooh, tohuk wadir isinnih yoo aaxigelon. Yi mara akkeloonuuh, anu kaadu ken Dagelta akkeyyo. Macaay inteenik, oson tikka 'yaanamaak yol aduurelon.

Ermiyaas 50:38

Lee luk sugte buyyitte inkih keenik kafeleeh, rob mageyta! Yalla cinna heenih umâ-yabulih-tan-duyye-qibaadat cissi cabe mara kinnoonumih sabbatah, tamah keenit takku waytaama.

Ermiyaas 9:24

Yoo yaaxigeeh, anu faxam yasmite num yenek, toh kaxxam kinnim yaaxigeemiiy amo elle yamqeemi. Niyaateh meqem tohu. Macaay inteenik, anu sahdah liyo kacni, yambaxe kacanu hinna. Cakki kee qadaalatak tan abto aba Dagelta kinniyooh; yoo ruffu haytam tamaha. Tahat yabtam yoo YALLA kinni» iyye.

Hosiqa 13:13

Israayil mari kas weeh, meqe mano cineenih; inâ-bagut yan baxay awqe cine yekken.

Hosiqa 4:1

Israayil ummatey, YALLI siinik iyyaah sin akah sahitam oobbeya. YALLI siinik iyyaamah, «A baaxol yan mari imaan cabeh yan. Kacni keenik yeerreh yan. Yalla kinniyom yok mayaaxigan.

Hosiqa 4:11

YALLI kaadu qagseh iyyeemih, «Qinabak bicsen qusba kamri kee suge kamri yi marak kas beeh.

Hosiqa 4:12

Caxxak-kuren-exxa, Yallak tu keenih bahtam yakkalen. Caxxi oson faxaanam keenih warselem yakkalen. Ken Dagelta cabba heenih, kacoobuh lon kacanu kee, xeet kee cooxuk bicsen duyyet aban qibaada, makot ken beyte.

Hosiqa 4:14

Tohuh, anu ahah ken madigaala. Macaay inteenik, isin isinnih qibaadah qarih addal xiiqareh-xiina lih xintaanah, tonnah kaadu, ken lih gabak bicsen xeet kee cooxuh sadgat abtan. Missilah, ‹Hawri sinni mari finqitah› 'yaanam tan. Toh numma.

Hosiqa 4:6

Yi mari yoo aaxige weenimih sabbatah bayele. Isin kaadu seekak, yooy sin Dagelta kinnihiyya siinih eyyeeqe xinto cinteenih yoo cinteenih. Tohih sabbatah anu kaadu sin cineeh, sin xaylo yi seeka matakka.

Hosiqa 7:11

Israayil mari hawri cabeeh, kimbir innah meekita. Way catoh Masri mara fan yardeeniih, way kaadu Assuuriyah mara fan yarden.

Hosiqa 8:11

Dambi-kalootuh sadgat elle aboonuh, mango qibaadah-arooca elle xisaanamal, dambi keenik amagguk yamagge.

1 Samuwel 2:12

Qeli qamal-uma xaylo luk yen. Kay xaylo YALLAT baaqid luk manannaay, hinnay kaadu YALLAH-aban-sadgatak seekah yaceen aftot baaqid luk manannon. Num sadgat aba'gidih wokke yamaate waqdi, ken taamah afat yan num sidiica af le malkaqay cado edde mudaanahiyya luk amma 'yaah,