Hosiqa 5:3 - NABUWWA KEE MALIKWA

³ Israayil addal tekkem nagay aaxige. Israayil yok edde tambooqore'kke mali. Imaan keenik yeerreh yi qibaadah mabican. Nadaasa is abte» iyye.

Hosiqa 5:3 Iomraidhean Croise

Yasaqya 7:16

Woo ayro tamaateemik naharat, woo uma'nnah sin meysiisa namma malikih baaxo sinaamak foyyah raaqele.

Yasaqya 7:17

YALLI, koo kee ku ummatta kee ku buxah maral, Israayil Yuudak baxsinte saakuk wadir akke wee taqabi kee gibdaabina ruubele. Assuuriyah malik siinit ruubele.

Yasaqya 7:5

Suuriya, Israayil ummatta kee ken malik lih gacca 'teh kol bahtu waytaamal malisseh tan. Iyyaanamah:

Hosiqa 1:2

YALLI naharak Hosiqal ruubem, Israayil marih giddinaamak ruube farmok ten. Iyyeemih, «Hosiqaw, gexay digib. Digibih abittu wayta barra, xiiqareh-xiinayto. Is xaltu wayta xaylo kaadu teetik kaxxih imaan maleela akkelon. Macaay intek, yi mari yot darre cabeeh, xeet kee cooxuk bicsen duyye yaqbuden» kaak iyye.

Hosiqa 12:1

Israayil mari, maaci maacissiy bari tikka 'yam fanah, baatik sah keenih xiqtam alle waytaamat asan. Titta ganaanam kee umaane tittal baahaanam qaada keenik tekke. Masri kee Assuuriyah mara lih bica haysiten» iyye.

Hosiqa 13:1

Dumah yan saaku Efrayimih yooboke mari yaaba waqdi, Israayilih yooboke mari meysih axaxitak suge. Amo qunuunusak ken fan wagitak sugen. Takkay immay Baqal akak iyyaanamih qibaadat gaceeniih, dambi lem baahen. Tohuk gexxaamah bayen.

Hosiqa 13:5

Woo bacarih tan baaxol tenen saaku, amo siinik wagitak sugtem yoo.

Hosiqa 5:11

Israayil mari tu xiqe sinni xeet kee cooxuk bicsen duyye kaxxam faxaanamih sabbatah, xukkot yaniiniih, too digaalah biyaakat yanin.

Hosiqa 5:13

«Israayil ummat biyaakittu waytaah, Yuudah ummat daleela lem isik tabalu wayta saaku, Israayil catoh Assuuriyah malikil gexele. Takkay immay biyaakak ken macatay; daleelak ken muurusa.

Hosiqa 5:9

Israayil ummatey, digaala siinit edde takku wayta ayro xayih. Israayil foyya akkele. Israayil ummatey, tah nummaak takku waytaama» iyye.

Hosiqa 6:10

Israayil addal, ableh uma umaane akkih able. Yi mari duyyeeyâ-qibaadat gaceeh nadaasa is abe.

Hosiqa 6:4

Takkay immay YALLI iyyeemih, «Israayil kee Yuudah ummatey, maca siinik abu? Yoh liton kacni saaki-silaalo elle gexxa'nnal, siinik gexa. Ayro laqta way taarre saldah innah, siinik yeerreh.

Hosiqa 8:11

Dambi-kalootuh sadgat elle aboonuh, mango qibaadah-arooca elle xisaanamal, dambi keenik amagguk yamagge.

Qaamus 3:2

YALLI iyyaamah, ‹A addunyal enna 'ya marak inkih addak dooreeh dacrisam siini. Tonna-leemiik abba haytan dambih sin akah digaalu waam, toh kinnim ixiga› siinik iyya» keenik iyye.

Qaamus 5:12

Abtan umaane kee dambiy edde taniinihiyya siinik yemeggeh yanim digga haa. Meqe marih amot gactaanaah, xakaake ken kaltaanaah; guqul takmeeniih; masaakiina cakki waysissan.