Hosiqa 5:2 - NABUWWA KEE MALIKWA

² Tikible-magaala deqsitta magaalah addal, sahda addat akak radda adda xer boodo tekkeeni'mmay, takkeenimik sin digaaleyyo.

Hosiqa 5:2 Iomraidhean Croise

Yasaqya 1:5

Yalli faxe waamak macah aade waytan? Uxih digaalak macayyinnitoonuu? Moyya siinik uxih bakaq leeh; afqado kee misinkaca ahaydumah siinik muurinna.

Yasaqya 29:15

Edde tanin mala YALLAK yaaqurem yakkale maraw, sinim tekkeh! Uma-taama bar ditet abaah, «Nanu abnam iyyi nek yableeh, iyyi yaaxige?» 'yaanam intan.

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Ermiyaas 6:28

Birti gide ikkal, yab moyyat akak cula mara hinnon. Taama akak toome mara kinnon. Elle meekitaanamal, sinam-migaq baysan.

Hosiqa 4:2

Xagana akah culeenim maduudusan. Diraabat yaaban. Sahda qidan. Garqa abaanah dalwat asan. Biili biiluk yembeggeh. Sahda kulli ayro titta qidak assa.

Hosiqa 6:5

Inni nabuwway farmo gabat le sin fanah ruubeeh, uma cokmi kee baati siinit akkelem siinih akah warsem tohu. Anu siinik faxam qellu lem hinna.

Hosiqa 6:9

Seeka, siftay sinam qidimih raarissa tekke. Seekem magaala fan beya gitih addal kinni way sahda qidan. Makkook kaxxa umaane aban.

Hosiqa 9:15

Yalli iyyeemih, «Oson umaane elle qimbiseenim, Gilgal deqsita araca. Anu naharak ken inqibem too ayrok ten. Oson aben umaaneh sabbatah, inni baaxok ken ayyaaqeyyo. Ken abbobti yi yab cinteh immay yok kaadu keenih luk suge kacni gaba kaleh.