Hosiqa 4:9 - NABUWWA KEE MALIKWA

⁹ Sinaamak kaxxih digaala siinit akkele. Sin inkih digaaleyyooh, abba hayten umaane siinil gacseyyo.

Hosiqa 4:9 Iomraidhean Croise

Yasaqya 24:2

Seeka kee seekak kalih maraay, kaadintu kee kaadintu le numuuy, kaddaama kee kaddaama le barraay, duyye xaama num kee yaylamme numuuy, abuud faxa num kee abuud yecee numuuy, mago edde tan num kee mago le num inkih, inki digaalah digaalimelon.

Yasaqya 3:10

Cakki bagul yan marak, «Kullim siinil amqele» inxica. Akah taamiteenim geeloonuuh, ruffu edde axcelon.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Yacedkel 44:10

YALLI yok iyyeemih, «Anu Leewih yooboke maray Israayil mara lih gacca 'yeh yoo cabba heeh xeet kee coox yaqbudehiyya digaaleyyo.

Yacedkel 44:12

Takkay immay yi qibaada cabba heenih xeet kee cooxuk bicsen duyyeh qibaadat gaceeniih, sahda dambit asisen. Tohuk gexxaamah, yoo YALLAY Mulki lehiyya xiibita'mmay, tahamah ken digaaleyyo.

Hosiqa 1:4

YALLI kaak iyyeemih, «Ama yooboke awkak migaaqah Yidraqel inxic. Macaay intek, Israayil malik akak rade kay kaxxa abba Yaahu, Yidraqel deqsitta daqaral sahdat abe qidiyyah, Israayil malik edde digaalu waa wakti xayih. Yaahu nasabak dardaarinni gaba kalele.

Hosiqa 10:10

Anu a dambileelal gaba qidam faxaah, ahaysa ken digaaleyyo. Doolatwa titta keenil geyya hayteh, abba heen mango umaaneh, seewah ken beelon.

Hosiqa 12:2

YALLI Yuudâ-marat tu haysitah; Israayil mari aba taamah YALLI ken digaalele. Abeenim keenik gacsele.

Hosiqa 12:3

Oson akak raden ken kaxxa abba Yaqkuub bagut yan saaku, isi toobokoyta Qiisoy inâ bagut gangaytuh kaa'lih yanihiyya dibqi yibbixeh kaa'lih yoome. Yenbe saaku kaadu Yalla lih yingiicille.

Hosiqa 7:2

Anu oson abba heen umaane aaxigem mayaaxigan. Oson abba heen dambi marot ken yabbixe. Oson aban taama yok maqellitta» iyye.

Hosiqa 8:13

Yi migaaqal sadgatah saq qidan. Qiden saqih cado yakmen. Takkay immay yooy YALLA kinni ken inqibeh, ken faxah maan. Oson baahen dambi aaxaguk ken akah digaaleyyo. Akak yemeeten Masri fan ken gacseyyo.

Hosiqa 9:15

Yalli iyyeemih, «Oson umaane elle qimbiseenim, Gilgal deqsita araca. Anu naharak ken inqibem too ayrok ten. Oson aben umaaneh sabbatah, inni baaxok ken ayyaaqeyyo. Ken abbobti yi yab cinteh immay yok kaadu keenih luk suge kacni gaba kaleh.

Hosiqa 9:9

Gibqa deqsita rasul akah abak sugga iyyen innah, umaanet badih innah sutta 'ten. Yalli isin aben dambi uxih digga haah, uxih mahawweeninnaay, sin dambih sin digaalele» iyye.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.