Hosiqa 4:5 - NABUWWA KEE MALIKWA

⁵ bar kee laqo adaf sin geeleeh; nabuwwa kaadu sin innah andafoofele. Inâ baaxo siinik bayseyyo.

Hosiqa 4:5 Iomraidhean Croise

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Ermiyaas 15:8

Gubuunuh raaqe agbi mangah baddi afih qiddeytak aymaggeyyo. Oson xalen furrayna qidaana'gidih, qado loqo naqboyta keenit ruubeyyooh; inanti keenik rookitele. Cube'kal akak cunxittan umaane siinit ruubeyyo.

Ermiyaas 23:9

Ermiyaas dirab le nabuwwah giddinaamak iyyeemih, «Cisab yoo yibbixeeh; afqado dub yok inta; xagar yok axaxitah. YALLAY *kudduusuk yani kee Yallih qangarah meysih, yiskire numih innah gaceh an. Mango kamri yooqobe numih bis elle an.

Ermiyaas 50:12

Takkay immay sin kaxxa magaalat umâ-yabulih tanim akkele. Inah siinik sugte magaala qaybit radele. Baabelon doolat, doolatak gacca 'ta doolat akkele. Baabelon num sinniih lac sinni baaxoy kaffa karacca 'te akkele.

Yacedkel 14:3

«Bani-adantow, ama marih kalbi, gabat bicsen duyyeh qibaadat yufkuneh yaniih; too duyyey dambi lem xalta isinni misinkacal heenih yaniinik, anu tu yoo esseri ken maha.

Hosiqa 2:2

«Yi xayloy, sin ina ahaysa yi barra hinnaay, anu tet baqala hinniyo'mmay, ama abtah tan dalwa kee caraamu maabina teetik inxicaay tet kallaca.

Hosiqa 5:5

Israayil mari le kaxxiina, kinnon mara keenik taybullee. Ken dambi ken yaydafoofoleeh, ken yankiseh. Yuudâ mari ken lih annikissele.

Zakariyya 11:8

Sidooca duweenay yoo niqba yeneeh; sarra ken faxe cineeh, inki alsih addat wokkek ken xiiriyeh.

Zakariyya 13:2

«Too ayro Yalla axcuk aqbuduk sugen duyyey xeet kee cooxuk bicseenihiyyah migooqa baaxok bayseyyo. Tohuk wadir too duyye num kassitak maraaqa. ‹Nabi kinniyo› iyya mara bayseyyooh; nadaasak tan roocaaniyyay ken yaabissahiyya baaxok ayyaaqeyyo.