Hosiqa 4:1 - NABUWWA KEE MALIKWA

¹ Israayil ummatey, YALLI siinik iyyaah sin akah sahitam oobbeya. YALLI siinik iyyaamah, «A baaxol yan mari imaan cabeh yan. Kacni keenik yeerreh yan. Yalla kinniyom yok mayaaxigan.

Hosiqa 4:1 Iomraidhean Croise

1 Malikwa 22:19

Miikayhu qagseh iyyeemih, «Taway YALLI iyyem siinih warisu waa. Anu YALLA qaraanal isi amoytiinih korsih bagul daffeyah uble. Kay malaykoota inkih migda kee gurak kaa maraasiyot kaa abbaxih ubleh eneeh;

Yasaqya 1:10

Sodom marih bis le reedonow, YALLI siinik iyyam ankacisa! Gomorrâ-marih bis le ummattey, ni Dagelti siinik aba iyyam oobbeya!

Yasaqya 1:18

YALLI qagseh iyyeemih, «Tahaysa yol amaay, tahat itta lih yaabenno. Isin abten dambit kaqalteenih immay anu woo dambik sin kaqliseh cankaxi qidih innah sin heeyyo. Dambik abteenimih mangah xagar siinik yoomeh yani'mmay, qado illi xagoorih innah akak gacetton.

Yasaqya 28:14

Kulliimil qangaasalah rabah! *Yarsalaamal xiinisa maraw, tahaysa YALLIH iyyem oobbeya.

Yasaqya 34:1

Baaxol enna 'ta doolatway, inkih yoo fanah ama! Xayyoowaay, axcem yok ankacisa! Baadal tan ummatey, yi yaabah ayti ucuya! Baaxo axcem yok taabbay; baaxô-bagul yan mari yi yab cubbusay. Addunya kee addunyak eweqqa 'tam yi yaabah ayti tacaay.

Yasaqya 34:8

Macaay inteenik, YALLI cane edde gacisu waa ayro tan; too saaku YALLI Siyoonuk naqboytiitih suge maral ken taama keenil gacsele.

Yasaqya 5:3

Yi kataysa toh yuble way, iyyem leeh, edde yaabem le; «*Yarsalaam addal yan maraw, dabaaqah Yuudal yan maraw, caxat anu abe taqabi, ubulay tu akak inxica.

Yasaqya 59:4

«Qadaalat faxximtaama» iyya num mayanaay, cokmi-buxal qadô-baguuk yaabe num mayan. Foyyah taniimil kibaal haanah, diraabat yaabaanah, umam malsaanah, umaane aban.

Yasaqya 59:8

Amaan le gita mataaxigan; qadaalatak ane wannaanim abtan. Makoh yan gitat gexxaanaah woo gitat sin lih gexe mari amaan way magenna.

Yasaqya 66:5

YALLI iyyem kaak meysitak oggola maraw, YALLI siinik iyyam ankacisa. Siinik iyyaamah: «Isin imaan yol litoonumih sabbatah, sin marak garab sin yanqibeeh, agle siinik cina. Siinil anqaaseenih, ‹Siiniy yafrice nable'gidih, YALLI isi nabna yuybulleeh sin catay› siinik iyyan. Takkay immay oson isinnih qaybit radelon» 'yaanam iyyah yan.

Ermiyaas 11:7

Kaadu yok iyyemii, «Sin kaxxa abbobti Masrik baahe saaku, ‹Yi yab oobbeya. Yi amri oggola›, 'yaanam fiirik geerah keenik exceh eneeh; uxih a saaku fan a marak axcem tohu.

Ermiyaas 19:3

‹Yuudâ-malikwa kee Yarusalaamal yan maraw, YALLI siinik iyyam oobbeya. YALLAY Nabaamak Nabah, Israayil doore Dagelta kinnihiyya a baaxol ibaak gibdi balay yaabbe marih xagarak xoq qiddahiyya siinil ruubeyyo.

Ermiyaas 2:4

Ermiyaas ummatak iyyeemih, «Yaqkuubuk radeeh Israayilih yooboke maraw, YALLIH qangara ankacisa!

Ermiyaas 2:9

«Tonna'mmay a saaku kaadu siinik waam liyo. Ta saaku sin kee sin xayloh xaylok malkitam liyo. Tah intam yoo YALLA.

Ermiyaas 25:31

Usuk aba xongolok radah yan qalê-berri baaxô-maggaraqal antaabbele. YALLI ummattak inkih malkitele; keenik waamah isih keenil ackumele. Uma-maral rabi cokmi abele. Tahat yabtam YALLA› 'yaanam keenik inxic.

Ermiyaas 34:4

«Kaadu qagissa haay kaak intaamah, ‹Taway kok axcem cubbusay raq. YALLI kok iyyaamah, Rabta saaku amrih rabetto ikkal, carbit marabta.

Ermiyaas 4:22

«YALLI iyyam aabbeh an. Iyyaamah, ‹Yi mari duquuraay; yoo mayaaxigan. Kas sinni qunxa urrih gide ikkal, tut maradan. Uma-taamah abittol ken aleltam matana'mmay meqe taamah waqdi boola lon› 'yaanam axcih aabbe.

Ermiyaas 4:28

Tonna leemiik, baaxo rookitele; qaran dattoowele. Tah intam yooy; exce yaabat maqagita. Excem exceh ikkal, tohum abeyyo› 'yaanam iyye.

Ermiyaas 5:4

Tah keenik ubleeh, too waqdi inni bagul ucsubeemih: «A mari masaakiinay tu aaxige waytahiyyak tanih tan» 'yaanam ucsube. «Ken Dagelti keenik faxam yaaxigeenih mayanin; duquurak tanih tan. YALLI aba keenik iyyem kinnim yaaxigeenih mayanin» 'yaanam inni bagul exce.

Ermiyaas 51:5

Ah yoo YALLAAY; anu Israayil kee Yuudâ marak ahaydumah mahawweeninniyo. Yooy Israayil doore Dagelta kinniih *kudduusuk yanihiyyal dambi lem baaheenim aaxigeh immay, tohuh, niya keenik uxih makalinniyo.

Ermiyaas 6:13

Ken umaane ah teeti. Qunxa num kee kaxxa num keenik inkih dulmih lakqo sinaamak beyan. Nabuwwa kee seeka kinni way dirab kee deedalat sinam ayrisan.

Ermiyaas 7:28

Ken lih yabta waqdi keenik intaamah, ‹Isin, YALLAY sin Dagelta kinni iyyam cine mara kinniton. YALLI, «Umaanek uduura», siinik iyyeh immay kay yab cine mara tekken. Sin garil numma baateh; nummat mayabtan› keenik inxic» yok iyye.

Ermiyaas 9:20

Ermiyaas iyyemii, «Taway isin kaadu agabow, YALLIH qangara ankacca haa. Usuk iyyam cubbusay. Xaylo weeqa elle aban inna barisa! Sin innah yan agabu kaadu rabe marah weeqa elle abeh meqe'nna barisa.

Ermiyaas 9:3

YALLI iyyemii, «Diraabak sah nummat mayaaban; Maqarah loonum, diraaba. Nummak yaaxigeenim malon. Yi mari umaane umaanê-lakal aban; anu ken Dagelta kinniyom yok mayaaxigan» iyye.

Ermiyaas 9:7

Tohih sabbatah YALLAY Nabaamak Nabahiyya iyyaamah: «Birta girat elle yagirriben innal, anu inni mara agirribeyyo. Yakken mara keenik ableyyo. Yi mari aba dambi able waqdi, toh keenik abe week, maca keenik aba?

Yacedkel 16:35

«Tonna'mmay Yarusalaam kacbay, YALLI kok iyyam oobbey.

Hosiqa 12:2

YALLI Yuudâ-marat tu haysitah; Israayil mari aba taamah YALLI ken digaalele. Abeenim keenik gacsele.

Hosiqa 12:3

Oson akak raden ken kaxxa abba Yaqkuub bagut yan saaku, isi toobokoyta Qiisoy inâ bagut gangaytuh kaa'lih yanihiyya dibqi yibbixeh kaa'lih yoome. Yenbe saaku kaadu Yalla lih yingiicille.

Hosiqa 5:1

«Seekay, ankacisa. Israayil ummatey, axcem oobbeya. Malikwa kee keenih ramad le maraw, edde yaaba yab ayti yoh acuya. Abtan cokmi qadaalatat abtaana'gidih, siinil yontocowweh immay, woh maabinnitoonuuy; tonna leemiik isin abba haytan cokmi siinil aduurele. Mixfa deqsita aracal, sahdah oflo tekken. Taabor qaleh amol, sabakat kullum elle yabbixen innal sahda tabbixen.

Hosiqa 5:4

Hosiqa iyyeemih, «Ummat abtam Yalla fan adaari ken haytah matan. Oson xeet kee cooxuk bicsen duyyeh abak sugen qibaada Yallak ken teyxeereh. YALLA yaaxagoonu cineenih.

Ayyuqel 1:2

Idoolay ankacisa. Yuudâ rasul yan maraw, a yaabah ayti ucuya. Axayyu tekkem, sin dabaanal duma tekkem hinnaay, sin abbobtih dabaanal tekkem hinna.

Qaamus 3:1

Nabi Qaamus iyyeemih, «Israayil ummattay YALLI Masrik yeyyeeqehiyyaw, siinit takku waytaamay YALLI naharal garci siinih akak kalahiyya ankacisa.

Qaamus 7:16

«Tonna'mmay taway kaadu YALLI iyyem koh warisu waak yoo oobbey. Atu, ‹Iscaakak rade marah isih tuble sirri mawarsinaay, Israayil ummatat takku waytaamat mayaabin› yok inte'mmay,

Miika 6:2

Qaleelaw, baaxo daffeynah elle tan rakiiboy waartahiyyay, YALLI a mari baaheemik edde yaabam oobbeya. YALLI isi marak wayto le. Israayil marak malkitele.