Hosiqa 3:5 - NABUWWA KEE MALIKWA

⁵ Tohuk lakal Israayil mari YALLAY ken Dagelta kinni kee ken malikih yen Dawuduk rade amoytih fan edde yaduuroonu waan wakti amaatele. Too saaku YALLIH meysi xagarat keenik gaceleeh; YALLIH maqaane geelon» iyye.

Hosiqa 3:5 Iomraidhean Croise

1 Malikwa 12:16

Yemeete mari, malik yab keenik aabbe cinem yublen waqdi, «Ah maca neh xiqee, Dawud kee Dawuduk rade mara? Nee kee keenik maca tangalee? Kata labhay, nee beya! Racabqam ahaysa isih faxem abbaasitay» iyyen. Tohuk wadir Israayil mari woo xintol saduh gacen.

Yasaqya 17:7

Too ayro sinam, Yallay kulli num ginahiyya fan wagteleh; Israayil doore Dageltay *Kudduusuk yanil kibaal haysitelon.

Yasaqya 2:2

Tamaatu wayta ayroorah addat YALLIH Qibaadah-Qari elle yan qale kulli'kkek fayyah giffa axcele. Kulli qalek fayyah giffa luk raaqele. Kulli koomak fayyah giffa luk raaqele. Baadal tan ummatta tet fan amaatele.

Yasaqya 2:3

Mango baaxol yan mari too saaku iyyu waamah, «Qibaadâ-Qari elle yan YALLIH-Qale fan nee beya» tittak axcelon. «Israayil ummat doore Dageltih-Qibaadah-Qari elle yan arac nawaqu wayna. Yalli tokkel isih faxem nee barsele. Usuk faxe gitat gexenno» 'yaanam axcelon. YALLIH-baritto elle tanim, Yarusalaam magaalaay; Siyon qalek isi ummat lih yaaba.

Yasaqya 60:5

Aham akkih ablettooh, ruffu axcetto. Abtu wayta ruftoh xagar kok farci akkele. Baadal tan ummatta tedderem inkih koo fanah baahele; badak woo qaxa raaqa mari isi gadda koo fan baahele.

Yasaqya 9:13

Yallih-marah tu gactek, dambik matoobitinna. YALLAY Nabaamak Nabahiyya ken digaaleh immay, tohuh kaal maaduurinnon.

Ermiyaas 23:5

Qagseh iyyeemih, «Dawuduk radeeh cakki gitat gexa malik siinih edde reedisu waa ayroora amaatele. Too malikiy Dawud-Luddal muggaaqisaanahiyya reedu waa saaku, ummat kasat xiinisaah qadaalat le malik akkele. Baaxo qadaalatat xiinisele.

Ermiyaas 30:9

Yoo YALLAY ken Dagelta kinnihiyya kee, Dawuduk rade numuy anu malik abu waahiyyah taamat gacelon.

Ermiyaas 33:17

Macaay inteenik, kulli way Dawuduk rade marak numuk teena Israayil marih malik abeyyoomuh xagana siinih cula. Tahat yabtam yoo YALLA.

Ermiyaas 33:9

Yarusalaam anu rufto kee kunnaba kee migaq-gexxo elle geya magaala akkele. Kulli baaxoh mari, anu Yarusalaam marah abe maqaane kee Yarusalaamal yan mara gaddaleela elle abe'nna yaabboonu waan waqdi, hagga axceloonuuh axaxitelon» 'yaanam iyye.

Yacedkel 38:16

Yi Israayilih ummatat caacoy baaxok baaxo gexxah innah, elle temeete innaak qeebi abetto. Sarrah yan dabaanah, yi baaxo tabbixe'gidih, koo ruubeyyo. Toh akah abu waam, raqqa 'te baaxooxah mari yoo yaaxige'gidiiy, tonnah kaadu, kol baahu waamak gexxaamah, taahirik yan Dagelta kinniyom yok yaaxigeeni'gidi» iyye.

Yacedkel 38:8

Uli baaxoy mango baaxol sugte ummatta tittal uduurra 'teh titta lih elle tanihiyya tan. Ta baaxoh mari carbi meysi mali. Mango sanatak lakal, too baaxo akah tabbixe innah koo ruubeyyo. Toh Israayil rasuuy; mango dabaanah Israayil qaleeli dibuk suge. Num sinniih lac sinni rasuh suge'mmay, a saaku woo mari woo qaleelal amaanah xiinan. Takkay immay too marat atu qeebi abetto.

Daaniyel 10:14

Away akah emeetem, sarra yan saaku ku marat takku waytam koh warsa'gidi. Ah sarra takku waytaamih wacyi› yok iyye.

Daaniyel 2:28

Takkay immay Yallay qaraanal yanihiyya sirrih tanim yableeh yaybulle. Yalli, atu xiinit sugte waqdi, sarra yan saaku takku waytam koo yuybulleeh yan. Tublem aham teeti:

Hosiqa 1:11

Yuudâ mara kee Israayil-mari wadir kaadu angaleleeh inki mara akkelon. Inki amoyta haysitelon. Isinni baaxol gaddaleela akkelon. Yidraqel-ayro, kaxxa ayro akkele.

Hosiqa 11:10

Anu lubak innah xongolu waa waqdi, yi mari axaxitak ayrô-culmaak yoo fanah amaatele.

Hosiqa 5:15

Yi mari dambik abeenimil yoo qaddoowe'kal, keenil maaduura. Gadaamah addat yanin waqdi, yoo kassiteloonuuh yoo gorriselon» iyye.

Hosiqa 5:6

Yallih sadgatah illi kee laa qideloonu'mmay, toh tu keenit mahayta. YALLI ken cabeh ikkal, kaa mageyan.

Hosiqa 6:1

Ummat intaamah, «Ahaysa YALLAL nadaaru wayna. YALLI nee biyaakeh immay nee qaffoysele. Nee mudeh immay dale neh urusele.

Qaamus 9:11

YALLI iyyamaa, «Dawud dardaarinnay yiddigille qarih innah yiddigillehiyya edde xisu waa wakti amaatele. Gaso akak xiseyyo. Abur wadir akak aqusbuuseyyo. Duma akah suge'nnah gacseyyo.

Miika 4:1

Tamaatu wayta ayroorah addat YALLIH Qibaadah Qari elle yan qale kulli'kkek fayyah giffa axcele. Kulli qalek fayyah giffa luk raaqele. Kulli koomak fayyah giffa luk raaqele. Mango baaxol yan mari tet fanah amaatele.