Hosiqa 2:4 - NABUWWA KEE MALIKWA

^4-5 Tet xayloh kaadu maracmata. Ken ina dalweenaay; abta dalwat mawacarriyta. ‹Inni mareytit fan gexeyyooh, lee kee maaqo oson yoh aceelon. Xagar meqe sartanay illi xagor kee *baftak bicseenihiyya oson yoo sariselon. Caxâ xaylok bicsen *zeyti (saliid) kee qinabak bicsen kamri oson yoh aceelon› 'yaanam is isih inteh ten.

Hosiqa 2:4 Iomraidhean Croise

2 Malikwa 9:22

Too waqdi Yooram, «Akah temeetem nagaynaa?» kaak iyye. «Ku ina Idebal qimbisse xeet kee coox yaqbudeenim kee sicri abaanam tanim fan, maa nagayna tan?» kaak iyye.

Yasaqya 27:11

A cooxuk ludwa kafta saaku, butukka 'teh taddigille way, agbi girâ-bocoh haysita. Tut radaah geya mara hinna. Ken Kaalik keenih maracmata; ken Dageltay ken yukluke aysa maqaane keenih maaba» 'yaanam qadarah axcetton.

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Yasaqya 57:3

Yalli gersi marak iyyaamah: «Siinih tu gactek, amay siinik axcem oobbeya. Isin sicreynitte bis liton. Dalwa aba mara kee xiiqareh-xiinak mataysan.

Ermiyaas 13:14

Too waqdi kibuk tan buutitteh innah tittat ken bodsiiseyyo. Tittin gabat ken qidsiiseyyo. Qunxa num kaxxa numut ruubeyyooh, tittin gabat ken qidsiiseyyo. Keenih maracmataay keenih maxuwaawam keenih waris› yok iyye» iyye.

Ermiyaas 16:5

«YALLI qagseh yok iyyemii, ‹Sahda elle rookitah table qari maculin. Faxe numih rabah marookitin. Anu ahak wadir a marak inni barkat kaleeh, keenih luk suge kacanuk raaqeeh, keenih maxuwaawa.

Yacedkel 23:25

Anu koo inqibeemih sabbatah, oson koo yinqibeenih faxem kok abitoonay axceyyo. San kee aytiita kok argiqelon. Seefit koo qidelon. Say-xaylo kee lab-xaylo kok seewah beeloonuuh, kok raqtem girat carriselon.

Yacedkel 8:18

Tonna'mmay tahaysaay yi bagcarra le'nna ablelon. Keenih maracmataay maxuwaawa. Anay fayya haak yoo kallacaanamah keenik moggola» yok iyye.

Yacedkel 9:10

Tonna-leemiik tahak wadir keenih maxuwaawa; keenih manacruura. Oson sinaamal baaheenim keenil baaheyyo» yok iyye.

Hosiqa 1:2

YALLI naharak Hosiqal ruubem, Israayil marih giddinaamak ruube farmok ten. Iyyeemih, «Hosiqaw, gexay digib. Digibih abittu wayta barra, xiiqareh-xiinayto. Is xaltu wayta xaylo kaadu teetik kaxxih imaan maleela akkelon. Macaay intek, yi mari yot darre cabeeh, xeet kee cooxuk bicsen duyye yaqbuden» kaak iyye.

Hosiqa 1:6

Goomar qagisak teedeqeeh baxá xalte. Too saaku YALLI kaadu Hosiqak iyyeemih, «Tama awkák migaaqah Racmat-Wayti inxic. Macaay intek, Israayil marah tahaysa maracmata. Qafu kaadu keenih maaba.

Hosiqa 5:7

Oson xalan xaylo ilmu kinnuk, YALLA lih luk sugen xagana makeenih. Tohih sabbatah ken kee oson elle sugen baaxo alsi-bilot bayele» iyye.

Zakariyya 1:12

Too waqdi YALLIH-malaykatti, YALLAK iyyeemih, «Nabaamak Naba YALLAW, taham fanah Yarusalaam magaala kee Yuudâ magaaloolil tan ummatah malcina-tabanih sanatih gide naqabut sugte. YALLAW, ahaysa ku racmatta keenil obtu waytam maa saaku?» iyye.