Hosiqa 2:3 - NABUWWA KEE MALIKWA

³ Siinik cintek, sara teetik kalla heeh, tooboke saaku qasunuk akah sugte'nnah, qasunuk tet heeyyo. Kafte baaxoy tu elle aabuke waytah innah tet heeyyo. Bakaarah rabele.

Hosiqa 2:3 Iomraidhean Croise

Yasaqya 33:9

Baaxo kafteeh, coox laqaymuume. Lubnaan garbo kafte. Saronuy qaxmeqe-baaxoh sugte bakarroyta tekke. Basan rasu kee Karmel qalel yan cooxuk ayyuufi luuqa.

Yasaqya 47:3

Qasunan kok ambulleeleeh qaybi kok gubbil gacele. Num siinik cabe'kal cane siinil gacseyyo» 'yaanam iyye.

Yasaqya 64:10

Ku magaalooliy taahirik tenehiyya Siyon agantah haanah raqte. Yarusalaam sahda elle deedalta abur tekke.

Ermiyaas 12:10

Allî-baaxok yemeete reedon yi baaxoy qinab xala coox elle aabakuk sugehiyya bayseh. Yi baaxoy buqre elle aabakuk sugtehiyyak amot taqqa 'yeenih gexen. Yi baaxoy qax-muquk sugtehiyya, caxa elle aabuke wayta bakarroyta aben.

Ermiyaas 13:22

‹Ah inkih net akah tekkem macaay? Sari nek akah qanxixeeh; a axxul le biyak xagarat nek akah yekkem macaay?› bagul inteenik; toh siinit akah tekkem, sin dambih manga.

Ermiyaas 13:26

Inni gabaak xagaral liton sartan siinik kalla heeh, qasunuk sin cabeyyo. Qawratak sin qideyyo.

Ermiyaas 14:3

Gaddaleela buxal, keenih taamita mara leeh ruuban. Too mari leê-goranah dori elle yani'kke fanah gexaana'mmay, leey akah gexeenihiyyak baxaysiteenih yaduuren. Leeh been soor foyyah gacsan. Tohuh aban wacarriyik gexxaamah, fooca isinnik reebisan.

Ermiyaas 17:6

Too num, bacarih tan baaxoy xagadak taniih kaftehiyyal tooboke caxa bis le. Tonnah yan num hebeltô-maqaane mageya.

Ermiyaas 2:31

«Siinik axcem yok toobbeenik sin esseru waak ankacisay! Anu bacarih tan baaxoy num bakaarak elle waddiime waa, siinil ekkem maa saakuu? Ditey baaxo akah able waytaanahiyya siinil ekkem maa saakuu? ‹Ahaysa currik yan mara kinninooh; ninnih fanxem abenno ikkal, ku fanah manamaata› 'yaanam akah intaanam macaay?

Ermiyaas 2:6

‹Masrik addak nee eyyeqqa heeh goloola kee bacarih tan baaxoy num sinniih lac sinniih gibdaabina leeh bakarroytah tanihiyyak addak isih foocat nek gacca 'yeh nee baahe Dagelti maca abeh?› maxacinnon. Yoo hawweeneeniih caagid yot mallinnon.

Ermiyaas 22:6

«Yi garil, malik-qari Lubnaan qaleela kee Gilqad rasi qaxah leh gide le. Takkay immay too qax-maqaane le qari bayissa heeh, abur kaa abeyyoomuh inni migaaqal xiibita.

Ermiyaas 4:26

Mangom elle aabakuk ten baaxo bacarih raqtam uble. Wokkel ten magaalooli abuuruh raqteh ten. Toh akah tekkem, YALLIH naqabih sabbatak ten. Too wacyi tublem yoo.

Ermiyaas 51:43

Baabelon-rasih-mandarittet tekkem yable mari hagga iyye. Bakarroytah tan baaxo tekkeh; sahda elle deedalta baaxo tekke. Safarah num tokke magexa.»

Ermiyaas 51:5

Ah yoo YALLAAY; anu Israayil kee Yuudâ marak ahaydumah mahawweeninniyo. Yooy Israayil doore Dagelta kinniih *kudduusuk yanihiyyal dambi lem baaheenim aaxigeh immay, tohuh, niya keenik uxih makalinniyo.

Yacedkel 16:22

A dalway edde tanihiyya, duma qunxuk ten saaku elle sugte'nna kassite koo kalteh. Qunxuk ten saakuy isi qabalat abrakuk sugtehiyya elle sugte'nna kase cinteh» iyye.

Yacedkel 19:13

Away kaadu Yallih gabak bacarih tan baaxoh addal, lee sinnih yan bakarroytal tet daabiseeniih toobokeh.

Hosiqa 13:15

Israayil ummat away wir intam celtaamah; ayrô-mawqa le kabuk bacarih tan baaxok ruubu waa laqin caacay ken kafsele. Too caacay buyyitte kee qelwa keenik kafsele. Keenit muquk sugtem inkih beele.

Hosiqa 2:10

Tet mareytiitik garil qasunuk tet cabeyyo'mmay, yi gabak num tet macata.

Makaabon 15:18

Sarrak Samsoon kaxxam bakaariteeh; too waqdi YALLAL weeqeeh iyyemii, «A gid takke qande yoh teceeh iisa yoh tecee. Takkay immay bakaarah rabam faxaah, a diini-maleelah tan *Filistiin yoo tabbixem faxxa, YALLAW» iyye.