Hosiqa 2:2 - NABUWWA KEE MALIKWA

² «Yi xayloy, sin ina ahaysa yi barra hinnaay, anu tet baqala hinniyo'mmay, ama abtah tan dalwa kee caraamu maabina teetik inxicaay tet kallaca.

Hosiqa 2:2 Iomraidhean Croise

Yasaqya 11:12

Yalli, asta-yakku-waa-qalam baadal-tan-ummattah heeleeh; Israayil kee Yuudâ-maray fixixeh sugehiyya baadak affara kaalibik gaaboysele.

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Yasaqya 58:1

YALLI iyyaamah, «Anay fayya haay! Baantah innah kaayey! Yaqkuubuk rade maray yi mara kinnihiyyak, ‹Yalla cinteenih dambit assen› inxic.

Ermiyaas 19:3

‹Yuudâ-malikwa kee Yarusalaamal yan maraw, YALLI siinik iyyam oobbeya. YALLAY Nabaamak Nabah, Israayil doore Dagelta kinnihiyya a baaxol ibaak gibdi balay yaabbe marih xagarak xoq qiddahiyya siinil ruubeyyo.

Ermiyaas 2:2

« ‹Away kol ruuba farmo Yarusalaam-magaala gexxa 'xicay ummat elle tani'kkel keenih waris› yok iyye. Sarrak too farmo yoh warseeh yok iyyemii, ‹Bar qunxuk tenen saaku, imaanak yol luk teneenih gide siinik aaxigeeh, qibna baqalah kacanuh tassalle inna, yoh assalluk tenen. Bacarih tan baaxoy tu elle aabuke waytahiyyal foocat siinik gacca exceh sin elle beyaamal yoo macininnitoonuy yoo katayak sugten.

Ermiyaas 3:1

YALLI siinik iyyamaa, «Num gennaaqoytay cabehiyyay marin mari elle digibehiyyal wadir elle digbam maay duuda? Toh bictam hinnaay, elle tekke baaxo kinni way nadaasa takke. Isin tonnah kaadu mango kacnoytit haysitteenik sarra, away yol taduureenim faxxan!

Ermiyaas 3:13

Qellat lem bahteenim isinnik ixigaay, yooy YALLA kinnih sin Dageltah yanihiyyak amri cinteenim isinnik ixiga. Yi amri cinna hayteenih, silal allinnaan caxah gubal yi aftok duyye taqbuden. Toh qellat kinnim isinnik taaxigeenimi. Tahat yabtam yoo YALLA, keenik inxic› 'yaanam yok iyye» iyye.

Ermiyaas 3:18

Too saaku Yuudah-ummatta Israayil-xaylot angaleleeh, sarrak marin baaxoy kilbat le kabul tanihiyyak aduureloonuuh; ken kaxxa abbobtih kulli waqdi ikoytah eceeh en rasu fan gacelon.

Yacedkel 16:20

«Yoh xalte xaylok say-urru kee lab-urru xeet kee cooxuk bicsen duyyeh sadgatah tecee. Yol luk sugte imaan cabtem koo maxiqinnaay;

Yacedkel 16:25

luk sugteh tan qaxa nadaasat isik bayisse. Amaatinnaan num lih dalwitak, qaxa isik bayisseh.

Yacedkel 20:4

Yalli yok iyyeemih, «Bani-adantow, a maral cokmi ab. Cokmih tuk teena keenik inxic. Ken kaxxa abbobti abak sugte uma taama ken kassis.

Yacedkel 23:43

Toh uble waqdi, ta mari madabaanaak dalwat xagar akak yembexe barra lih xiinaanah, 'yaanam inni niyal hee.

Yacedkel 23:45

Cakki gital yan mari a namma barra abta dalwa kee qidiyyah keenik malkitelon. Macaay inteenik, dalwa kulli way abaanaah; sahda qabalat gaba keenik tutlukeh tan» iyye.

Hosiqa 1:2

YALLI naharak Hosiqal ruubem, Israayil marih giddinaamak ruube farmok ten. Iyyeemih, «Hosiqaw, gexay digib. Digibih abittu wayta barra, xiiqareh-xiinayto. Is xaltu wayta xaylo kaadu teetik kaxxih imaan maleela akkelon. Macaay intek, yi mari yot darre cabeeh, xeet kee cooxuk bicsen duyye yaqbuden» kaak iyye.

Hosiqa 2:1

Tonna kinnuk Israayilih yooboke maray sin toobokoh yanik, Yallih maray Yalli akah racmata, inxic>> 'yaanam yok iyye.

Hosiqa 4:5

bar kee laqo adaf sin geeleeh; nabuwwa kaadu sin innah andafoofele. Inâ baaxo siinik bayseyyo.

Miika 2:13

YALLI gita keenih fakele. Magaala akak culan afa butukka heenih, num xagar keenik xage'kal gexelon. YALLAY keenik malikih yanihiyya isih foocat gacca 'yeh ken beele.