Hosiqa 2:12 - NABUWWA KEE MALIKWA

¹² Tet qinab xala coox kee tet sublâ-cooxuy is, ‹Yi mareytit yoh tecee› akak intahiyya teetik bayseyyo. Qinab coox kee bustaan elle tuysubuke arooca garbo teetik abeyyo. Too cooxuy qinab xala kee bustaan alluwwa baysele.

Hosiqa 2:12 Iomraidhean Croise

Yasaqya 29:17

Dago waqlak wadir kaxxa-garboh sugte baaxo niqmatah tan buqreh-baaxo akkeleeh, woo buqreh-baaxo kaxxa-garboh innah gacele.

Yasaqya 5:5

«Aysa mala teetih malsah, reebuh teetih xise gaso butukka teetik hee liyo. Tet dariifat reebuh yan coox bayseyyoh; dibuk raaqele. ‹Alluwwa tet tattakambay, ken gadda takkay› axceyyo. Ibah teetit aaqitelon.

Yasaqya 7:23

«Toh takku wayta saaku, qinab buqreh cooxuk alfi caxay kulli caxa garsi akak baahak sugtehiyya elle sugte aracal, eqeb kee sibaasib aabukele.

Ermiyaas 13:26

Inni gabaak xagaral liton sartan siinik kalla heeh, qasunuk sin cabeyyo. Qawratak sin qideyyo.

Ermiyaas 26:18

«Ciskiyyaahu, Yuudâ-marak malikih yen saaku, nabi Miika deqsita nabiy Moreset rasul yoobokehiyya ummatah inkih YALLI kaak inxica iyyem warseh yeneeh, too nabi too saaku iyyemii, ‹Siyon qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele› iyyeh yen.

Ermiyaas 5:17

Buqrek orbissen daro kee buxal liton maaqo sella siinik heelon. Xaylo siinik qidelon. Illi kee wadar kee laa siinik qidelon. Qinab xaylo xala coox kee sublâ-coox siinik argiggiqelon. Kaxxam amo elle meqiton magaalooliy gaso maroh edde tani silaacat bayselon» 'yaanam siinik iyya.

Ermiyaas 8:13

YALLI qagseh iyyemii, «Sahdayti tooboke daro elle gaaboysa'nnal, inni mara gaaboysam faxa. Takkay immay qinab-caxay xaylo xale wayta yekken. Sublay xalay wayteeh, ayyuufi akak kafe yekken. Tonna leemiik allak yemeete marih gabal ken heeyyo» 'yaanam iyye.

Hosiqa 13:8

Baxi akak baye say-kabqih innal, sin abbixeyyooh qanxissa sin heeyyo. Lubak innah sin anxuqeyyo. Alluwwah innal kitittiffa sin heeyyo.

Hosiqa 5:14

Israayil kee Yuudâ marat lubak qeebi elle aba'nnal keenit abeyyo. Anu innih rike rikeh kurra ken heeh ken cabeyyo. Ken hirriigisu waa waqdi, num ken macata.

Hosiqa 9:1

Hosiqa iyyeemih, «Israayil ummatey, qiidih assan saaku diini-maleela akah abta'nnah maabinaay; kaxxam ruffa maxcina. Isinni Dageltak texxeereeniih, kaal luk sugten imaan siinik yeerreeh; qusbih orbisen daro kee caffa tittak elle meexxan aroocal, migaaqah Baqal akak intaanamay raabitteenihiyyah qibaadat gacten. Daro Baqal siinih yeceem takkalen; yoo cinten.

Miika 3:12

Sin sabbatah Siyon-qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele» iyye.