Hosiqa 13:2 - NABUWWA KEE MALIKWA

² A saaku inkinnah woo umaanet bisoh gexak gexaanaah, isinni gabak lakqok bicsen duyye yaqbuden. Too duyye gabâ-naggaarinna keenik leh yan mari bicissa haah, sarrak yaqbudeenih. «A duyyeh sadgat aba» iyyan. Laahi ceeloy gabak bicseenihiyya fugtan! Sahdayti isi gabak bicse ceelo wadir mannal fuguta?

Hosiqa 13:2 Iomraidhean Croise

1 Malikwa 19:18

Takkay immay yol imaan luk sugeeh, Baqal-akak-iyyaanamah-qibaada elle abaana'gidih gabak bicsen duyyeeyah gommoh rade weeh, woo ceelo fugute wee maray malcina alfih num yakkehiyya rooci luk ken cabeyyo» iyye.

2 Aydaad 28:13

«A maray seewah orbiseenihiyya gacisaay, YALLIH garil dambi nel takku waytaamat maasina. Duma abne dambi nee xiqahak, YALLIH naqbi nel oobeh yaniih; gersi dambi net moosisinna» keenik iyyen.

2 Aydaad 33:23

Takkay immay kay abbah innah, rammita numuy YALLA fan yaduurehiyya makkinna. Dambi abittoh isi abbak lafitta axcuk suge.

Yasaqya 1:5

Yalli faxe waamak macah aade waytan? Uxih digaalak macayyinnitoonuu? Moyya siinik uxih bakaq leeh; afqado kee misinkaca ahaydumah siinik muurinna.

Yasaqya 30:1

YALLI iyyeemih, «Yabti-cina le xayloy, sinim tekkeh! Anu faxam cintaanaah, isinnih faxxen mala malsittan. Yi idni maleh bica sinam lih haysittaanaah, dambit dambi osissan.

Yasaqya 44:11

Yaqbuden duyye bicsa mara kee yaqbude mara inkih, qaybit radelon. Macaay inteenik, too duyye gabak bicsa mari, sahda kinnoonuh! Yakkeenimik amma 'yeenih abeenim nagay wagtoonay inxicay. Too waqdi, kaxxa cunxo keenit radeleeh, inkitanuuk qaybit radelon.

Yasaqya 45:20

YALLI iyyamaa: Baadal tan ummattak saaboh raaqe maraw, titta fanah gacaay inki aracal gaaboowa; inkih yoo fanah amay. Cooxuk bicsen duyyey yaqbudeenihiyya ukkuqqa heeh baaxo meksiisa mari, kas cabe mara. Oson too duyyey hebeltô-tu'xiq sinnihiyya yaqbudeeniih ta duyyek, ‹Nee wada› iyyan.

Yasaqya 46:6

Marak teeni yamaateeh santat baahe dahab yayyaaqe. Aki num kaadu yamaateeh gabat baahe lakqo yayyaaqeeh miizaanal haa. Too waqdi too dahab kee lakqoy baaheenihiyya dahab bicsa numul yeceen. Too num Yallih aftok yaqbuden ceelo akak bicsa. Too numuy toh bicsehiyyah gabah cawalah maalu yaceen. Sarrak too ceeloy gabak bicseenihiyyah gomboh radaanaah yaqbuden!

Yasaqya 46:8

«Dambileelay! Anu abem kassa haay! Anu abem cubbusay!

Ermiyaas 10:8

Yakkeenimik inkih duquuraay; hawri akak gexe mara kinnon. Cooxuk bicsen duyyey yaqbudeenihiyya tu ken barissu madudda.

Ermiyaas 8:5

Hay yi maraw, yok texxeereenim ublehik, yol macah aduure waytan? Isinni gabak abten xeet kee cooxuk bicissen duyyeh qibaadat gacteeniih, yol taduureenim cinteenih.

Hosiqa 10:1

«Israayil mari qinab caxay mango xaylo xaltah innal yeneeni'mmay, gaddaliino osak keenih elle ossaamal, yalla akke sinni duyyeh qibaada elle aban arooca xisen. Baaxo keenih allaggoowak allaggowteeh mango daro kee caxâ-miri aabakuk keenih elle yoobokeemil, xeetik bicsen qamidway yaqbudeenihiyyat aban bilqa lafitak laften.

Hosiqa 10:5

Samaariyal yan mari dahabak bicsen dahaltuy yaqbudeenihiyyay Beet-Awenil yanit takku waytaamak meysitak yanin. Keenik baysoonu waan saaku, rookitelon. Woo daheltih ceeloh baahan sadgat gabal akak acayuk sugen seeka, woo ceelo le nabna kasitak kaat tekke baatih boogisele.

Hosiqa 11:2

Takkay immay anu keenih elle seecaamal, yok axxeeruk yexxeeren. Yi mari Baqal akak iyyaanamay yallah loonuh sadgat aban. Gabak bicsen duyyeh dooqah qaydarus qeerisan.

Hosiqa 11:6

Magaalooli keenik carbit bayele. Magaaloolih afoofi keenik carbit addigillele. Yi mari yoo cineh isit celtem abeeh; tohih sabbatah carbit ken bayseyyo.

Hosiqa 14:3

Assuuriya nee macatta. Carbi faaris catoh tu neh maxiqa. Ahaysa gabak bicsen duyyek, ‹Ni Dagelta› m'inna. YALLAW, qayxiixah racmata Dagelti dibuk koo› inxica» keenik iyye.

Hosiqa 2:8

«Maaqooy qinabak bicsen kamri kee caxâ xaylok bicsen *zeyti teetih teceem yook tene'mmay woh yoh maaxaginna. Baqal axcuk yaqbuden duyyeh qibaadah hayte lakqo kee dahab teetih teceem yook tene'mmay; toh yoh maaxaginna.

Hosiqa 4:17

A mari yi aftok xeet kee cooxuk bicsen duyyet aban qibaadah milkih gacen. Ahaysa yanoonay ken inxica.

Hosiqa 8:4

«Yi mari malikwa keenih yekke mara isinnih dooriteeni'mmay, woo dooro yoo maleh, isinni amok aben. Abbobti keenik yakku waa mara dooriteenih immay, woo dooro keenik moggoliminna. Buxal luk sugen qado lakqo kee dahabak, yalla axcuk yaqbuden duyye bicsen. Too duyye baati keenil baahele.

Hosiqa 8:5

Samaariyal yan maraw, dahabak bicsen daheltih ceeloy taqbudeeni ablem mafaxa. Tah aba mara anqibeh. A mari taahirik tan taama abu waam, maa saakuk tan kaa?

Hosiqa 8:6

Israayil mari yaqbudem, num gabak bicse duyye ikkalah Yalla hinna. Samaariyal yan mari yaqbude daheltih ceelo bututtukku heelon.

1 Samuwel 10:1

Tohuk lakal Samuwel caxâ xaylok bicsen saliid* (zeyti) edde yan karaarat bahha heeh Saawuluk amol caxe. Sarrak fugga kaa heeh kaak iyyeemih, «YALLI, Israayiliy isi mara abehiyyah amoyta takke'gidih, koo yuskute. Atu kay mara naqboytiitik dacrisettooh, ken catetto. YALLI Israayil amoyta takke'gidih koo doorem elle taaxagu waytam macaay intek,