Hosiqa 12:2 - NABUWWA KEE MALIKWA

² YALLI Yuudâ-marat tu haysitah; Israayil mari aba taamah YALLI ken digaalele. Abeenim keenik gacsele.

Hosiqa 12:2 Iomraidhean Croise

2 Malikwa 17:4

Takkay immay sarrak Hosiqa, Masri-malikiy migaaqah Soo deqsitahiyyah farmo ruubeh, «Yoh amay yoo cat» 'yaanam iyyeeh, kulli sanatal Assuuriyah-malikih ruubak yen qusuur yeyseedeh. Assuuriyah malik toh yoobbe waqdi, «Hosiqa casbit haa» iyyeh casbit kaa haysiise.

Yasaqya 10:12

Tonna-leemiik, Yalli Siyon-qale kee Yarusalaamal abah yaniimik gaba kalu waa saaku, Assuuriyah malik abah yan tirtiraay leh yan kaxxiina kee hidak gexxaamah kaa digaalele.

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Yasaqya 24:21

Too ayro YALLI qaraanal taniimiy cayla lehiyya qaraanal digaalele. Baaxô-bagul tan amoytitte kaadu digaalele.

Yasaqya 3:11

Woyyow, uma marat takku waytaama! Umam aba num bayeleeh; kullim kaat aamele. Sinaamal baahem kaal baahelon.

Yasaqya 30:6

YALLI bacarih tan baaxoy gabbi-qaxat raqtahiyyal tan alluwwah giddinaamak farmo ruubeeh iyyeemih: Ta makaabonuy farmoh afat gexxehiyya gexen saaku, gibdaabina le baaxoy lubooka kee afat summi le abeesas kee haadda baadeysitte elle tanihiyyak adda gacca 'yeenih gexen. Merraytuh qarik garab danoonal luk gexen. Garab kaadu gaalal luk gexen. Too merraytul heenim, limo mango duyyek ten. Too duyye akah beenim, catoh edde qaagan marih mattacok ten. Takkay immay oson catoh edde qaagen mari, hebeltô-cato keenih abu duuda marak mananna.

Yasaqya 59:18

Kullim cakki-gitah gacseleeh, sahdal baahen umaaneh sahda digaalele. Kay naqboytit abba heen umaaneh digaalele; xer baaxol yan mara kinni way digaalele.

Ermiyaas 25:31

Usuk aba xongolok radah yan qalê-berri baaxô-maggaraqal antaabbele. YALLI ummattak inkih malkitele; keenik waamah isih keenil ackumele. Uma-maral rabi cokmi abele. Tahat yabtam YALLA› 'yaanam keenik inxic.

Hosiqa 2:13

Yoo hawwenna hayteh Baqal akak iyyan duyyeh qaydarus qeerisseh; bilqitta inteh mareytit lakat gexxe'mmay, toh teetit macabay, tet akah digaaleyyo. Tahat yabtam yoo YALLA» 'yaanam iyye.

Hosiqa 4:1

Israayil ummatey, YALLI siinik iyyaah sin akah sahitam oobbeya. YALLI siinik iyyaamah, «A baaxol yan mari imaan cabeh yan. Kacni keenik yeerreh yan. Yalla kinniyom yok mayaaxigan.

Hosiqa 4:9

Sinaamak kaxxih digaala siinit akkele. Sin inkih digaaleyyooh, abba hayten umaane siinil gacseyyo.

Hosiqa 7:1

YALLI iyyeemih, «Israayil ummatay yi marah tani catam faxaah, maqaane keenih abam faxinnaan waqdi, aaminnaan taama kee gacca intaamat asah ken able. Titta ayrisan. Sahdâ-buxaaxi garqan. Sahda giti addal radan.

Hosiqa 7:11

Israayil mari hawri cabeeh, kimbir innah meekita. Way catoh Masri mara fan yardeeniih, way kaadu Assuuriyah mara fan yarden.

Hosiqa 7:2

Anu oson abba heen umaane aaxigem mayaaxigan. Oson abba heen dambi marot ken yabbixe. Oson aban taama yok maqellitta» iyye.

Hosiqa 8:10

Tonna'mmay ta saaku yakkeenimik gaabossa ken heeh, ken digaaleyyo. Assuuriyah malik keenit xukkutu waa saaku, keenit yakkeh yan biyaakah iihiselon.

Hosiqa 8:13

Yi migaaqal sadgatah saq qidan. Qiden saqih cado yakmen. Takkay immay yooy YALLA kinni ken inqibeh, ken faxah maan. Oson baahen dambi aaxaguk ken akah digaaleyyo. Akak yemeeten Masri fan ken gacseyyo.

Hosiqa 8:9

Yabti cinah dabookali yekkeeniih, isinnih faxen gitat gexa mara yekken. Assuuriyah rasu fan catô-goranah gexeeniih, doolatwak nee catah guqul yeceen.

Hosiqa 9:15

Yalli iyyeemih, «Oson umaane elle qimbiseenim, Gilgal deqsita araca. Anu naharak ken inqibem too ayrok ten. Oson aben umaaneh sabbatah, inni baaxok ken ayyaaqeyyo. Ken abbobti yi yab cinteh immay yok kaadu keenih luk suge kacni gaba kaleh.

Hosiqa 9:9

Gibqa deqsita rasul akah abak sugga iyyen innah, umaanet badih innah sutta 'ten. Yalli isin aben dambi uxih digga haah, uxih mahawweeninnaay, sin dambih sin digaalele» iyye.

Qaamus 2:4

Kaadu qagissa heeh iyyemii, «Aham YALLI iyyaama. Yuudah yooboke mari fiiruk geerah dambi le taama abeenih; tohuk gexxaamah ken digaaleyyom digga le. Yoo YALLI, aba keenik exceemit maqal haysite cineeniih, yi amriy aba keenik excehiyyal anqaasah haysiten. Oson akak raden ken kaxxa abbobti aqbuduk sugte duyyey xeet kee cooxuk bicseenihiyyah qibaadat gacen. Tohuk gexxaamah makot gexa mara yekken.

Miika 6:2

Qaleelaw, baaxo daffeynah elle tan rakiiboy waartahiyyay, YALLI a mari baaheemik edde yaabam oobbeya. YALLI isi marak wayto le. Israayil marak malkitele.