Hosiqa 10:8 - NABUWWA KEE MALIKWA

⁸ Beet-Awenil fayya le ikkel tan aroocay uma-taama elle abak sugeenihiyya bayele. Oson bicsen qibaadah aroocal waaqex kee keenan aabukele. Ummat qaleelak, ‹Nee uqura› axcele. Koomaamik, ‹Nel radaay› axcelon» iyye.

Hosiqa 10:8 Iomraidhean Croise

1 Malikwa 13:2

Too-nabi, YALLI kaak inxica elle iyye innal, iyyemii, «Sadgat-aracaw, sadgat-aracaw, kok axcem oobbey! YALLI kok inxicca iyyem kok axcu waa. Dawuduk radu waa marak Yoosiyaahu deqsita awki aabukele. Too awki yanabu waa saaku, qibaada-elle-aban-aroocay fayyat raqtahiyyal seekâ-gurral taamita maray ku gari sadgatah qaydarus qeerisaanahiyya qideleeh, ku bagul ken carrisele. Sahdayti-lafa ku bagul carriselon» iyye.

1 Malikwa 13:34

Too umaaney usuk abak sugehiyya ellecabol kaa kee kay dardaarinna baati kee qaasir-umaane xalte.

1 Malikwa 14:16

YALLI Israayil ummatat darre cabele. Toh macaay intek, Yarobqam edde ase dambi kee, Israayil mara edde asise dambih sabbata» teetik iyye.

2 Malikwa 23:15

Yoosiyaahu, Nabát-Yarobqamay Israayil mara dambit asisehiyya, Beetal deqsita aracal, gabak bicsen duyyeh-ceelo elle yaqbudoonuh heeh suge arac kee sadgat elle aben mansaf yiggileh. Too duyyeh qibaadah aracay tokkel hee sugehiyya butukku heeh, xeet akak iggiggilla heeh, gomboduh gacissa hee. Aseera akak iyyan duyyey say-yallah luk sugeenihiyyah soolisen gurmuddat gira ruube.

2 Aydaad 31:1

Qiid gaba kalek lakal, tokkel suge Israayil mari yakkeemiik, Yuudâ rasul enna 'ta magaalooli fanah gexeeniih, taahirik tan qamidwa akak iyyan qamidway xeetik bicseenihiyya yiggiggileh. Aseera deqsittaamay yaqbudeenihiyyah astah heenih sugen gurumuuda bututtukku heeniih, sadgat elle aban arooca kee Yalla maleela qibaada elle abak sugte aroocay fayyat raqtahiyya bayseenih. Raqqa 'te Yuudah-baaxol inkih tonnah tanim abeeniih; tohuk kalah kaadu, Benyam kee Efrayimiiy Manassê rasul inkih, tonnah tanim aben. Tohuk gaba kalen waqdi, isinni buxaaxih yuduuren.

Yasaqya 2:19

Usuk baaxo yasgayye'gidih yamaatu waa saaku, YALLA kee kay kaxxa nabnah meysih, ummat gablah addat tambooqorem kee booriimah addat tambooqorem akkele.

Yasaqya 2:21

YALLI baaxo yasgayye'gidih yamaatu waa saaku, ummatta kaa kee kay kaxxa nabnah meysih, gabla kee booriima le qaleelah bagut ambooqorelon.

Yasaqya 32:13

Ummat afracuk addal akak tan qarwa kee, too qarwa elle tan magaalay farci kee wallitiyyat abak sugtahiyyah weeqay rookita. Yi ummat elle tan baaxol sissib kee keenan le coox aabukele'mmay weeqay rookita.

Yasaqya 34:13

Amoytittê-gaso kee gaso-maroh-edde-tan-magaalooli keenan le coox kee sissib aabukeleeh wakarwa kee inin dabaq akkele.

Hosiqa 10:2

Afqado keenik makot taniih; too makoh sabbatah, celta digaala keenit akkele. YALLI oson bicsen qibaadah arooca kee xeetik bicsen qamidway yaqbudeenihiyya bututtukku keenik heele.

Hosiqa 10:5

Samaariyal yan mari dahabak bicsen dahaltuy yaqbudeenihiyyay Beet-Awenil yanit takku waytaamak meysitak yanin. Keenik baysoonu waan saaku, rookitelon. Woo daheltih ceeloh baahan sadgat gabal akak acayuk sugen seeka, woo ceelo le nabna kasitak kaat tekke baatih boogisele.

Hosiqa 10:9

YALLI iyyeemih, «Israayil mari, Gibqa deqsita aracal dambit ase ayrok wadir, dambi abittok way maadayinnon. Tonna leemiik Gibqal qeebi ken abbixele.

Hosiqa 2:6

Tohih sabbatah keenan le daggek bicsen gasot tet heeyyo. Gititte gee wayta'gidih, xiseh an gasot tet alfeyyo.

Hosiqa 4:13

Qaleelah amol tan aroocal sadgat aban. Koomaamih amol silal meqeeh ayyuufa le caxah gubal qaydarus qeerisan. Too qaydarus woo cooxih gubal akah qeerisaanam, woo cooxih silal keenit yemqek sa. Tonna kinnuk siinik say-xaylo kacob tekke. Sin xayloh agbi dalwa aba.

Hosiqa 4:15

«Isin Israayil maraw, yoo ganteenih. Yuudâ mari sin akke way! Gilgal kee Beet-Awen magaaloolil qibaada maabina. Yi migaaqay waarahiyyal maxiibitina.

Hosiqa 5:8

Hosiqa kaadu qagseh iyyeemih, «Gibqal baanta ugura! Raamal turumba kaayisa! Beet-Awen deqsita aracal qeebih tirtirisa! Benyam maraw, qeebih ittikiya!

Hosiqa 8:5

Samaariyal yan maraw, dahabak bicsen daheltih ceeloy taqbudeeni ablem mafaxa. Tah aba mara anqibeh. A mari taahirik tan taama abu waam, maa saakuk tan kaa?

Hosiqa 9:6

Ken baaxo bayisu waa saaku, yasillimu waa mari Masri baaxol gexeleeh, magaqah Moofu deqsita aracal ken aaguqelon. Oson duma yedderen qado-lakqo elle luk sugen arooca kee, dabaaqah edde sugen buxaaxi elle ten aroocal, keenik waaqex kee sissib aabukele.

Qaamus 1:5

Damaskoh magaala akak culan gasoh afoofi aggiggileyyo. Awen Golo deqsitta'kkel dabaaqah yan mara bayseyyo. Beet-Qadan xiinisa abba kaadu bayseyyo. Suuriyah mara Kiir rasu seewah beelon› iyya» 'yaanam iyye.

Qaamus 3:14

Israayil mari abe dambih digaalu waa saaku, Beetal-magaalal tan sadgat elle aban arooca keenik aggileyyo. Sadgat elle aban aracak affara ruknil tan gaysoosi bututtukka axceleeh; baaxot radele.

Qaamus 7:9

Israayil ummat qibaada elle abta aroocay taahirik tanihiyya addigillele. Iscaak durruyyatih qibaadah arooca abur akkele. Yarobqam kee kay dardaarinna inkitanuuk finqa abeyyo› 'yaanam yok iyye» iyye.

Qaamus 8:14

Too ayro Samaariyal tan ceelo iyyaah Daan mari yaqbudem iyyaah, Bersabaq-dageltaw axcuk yaqbuden duyyeh migaaqal xiibita mari inkih bayele. Too baatik muugutan› 'yaanam yok iyye» iyye.

Miika 1:13

Laakis magaalal yan maraw, faarisit gaari xakabaay, edde kuday isillima. Israayil mara abah tublen dambi ken kataatak abteeniih, Yarusalaam mara dambit asissen.

Miika 1:5

Tah inkih akah takku waytam, Israayil mari edde ase dambih sabbata. Israayil mari Yallih yab cineh. A mara dambit asissem iyyaay? Keenik inaytah tan Samaariyah magaala. Yuudâ-rasul xeet kee cooxut aban qibaada ankeey? Yarusalaam magaala.

Naacum 3:11

Nanawê-maraw, isin kaadu yiskire marih innah lagaggaq edde intaanaah, naqboytiitik sasseenih edde tambooqoren aracih goranah, tardoonu waytan saaki amaatele.