Hosiqa 1:4 - NABUWWA KEE MALIKWA

⁴ YALLI kaak iyyeemih, «Ama yooboke awkak migaaqah Yidraqel inxic. Macaay intek, Israayil malik akak rade kay kaxxa abba Yaahu, Yidraqel deqsitta daqaral sahdat abe qidiyyah, Israayil malik edde digaalu waa wakti xayih. Yaahu nasabak dardaarinni gaba kalele.

Hosiqa 1:4 Iomraidhean Croise

2 Malikwa 10:1

Samaariyah-magaalah addal Malik Acabak rade marak malcina-taban takke labha ten. Yaahu waraakit yuktubeeh; woo waraakit Samaariyah magaalal yen Yidraqelik-saqoltih-yan-mara kee makaabon kee, tonnah kaadu, Acab-duruyyat dacrisa marah inkih ruube. Woo warkatal tunkuttubem annah axcuk ten.

2 Malikwa 10:17

Wokke gufen waqdi, Yaahu Acabah-ramad-le-marak num cabe'kal inkih qide. Taham, duma Eliyyas YALLIH kabuk warseh sugem elle tekke innak ten.

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 15:8

Quddiyya malik edde yekke soddom kee bacarhaytô sanatat, Yarobqam-baxi-Zakariyya Israayil-malik yekke. Sarrak Samaariyah-magaalal lica alsah malikih suge.

Yasaqya 7:14

Tonna'mmay YALLI asta isih sin aybulleele. Baxuwwah tan barra aadiqeleeh, lab-baxa xaleleeh, too awki migaaqah Ammaanuwel deqsitele.

Yasaqya 8:3

Waqlaak wadir barra yok teedeqeh. Ni baxi yooboke saaku YALLI yok iyyeemih, «Xayuk-Ibbixa Sissikuk-Buuba» 'yaanamal kaa muggaaqis.

Yasaqya 9:6

Macaay inteenik, awki neh yooboke. Baxi neh yontocowwe. Usuk abbootan gabat le. Migaaqah «Qajiibik yan Fayisi», «Nabaamak Naba Dagelta», «Waara Abba», «Amaan Yamliki» 'yaanam kaah axcelon.

Ermiyaas 20:3

Too digaalak gaba yok kalen waqdi, saaku sek Fascur yemeeteh casbih edde suge namma caxxih fanak yoo kalla heeh yoo yeyyeeqeh. Too waqdi kaak excemii, «Ahak wadir YALLI koh yeyyeeqe migaq Fascur hinnay Magor-Missabib deqsita migaaqa» kaak exce. (Magor-Missabib 'yaanam Kulli-ikkel-cunxo-qide 'yaanama.)

Ermiyaas 23:2

Yoo YALLAY Israayil doore Dagelta kinnihiyya inni mara dacrisa akak exce marak axceemih, ‹Yi mara madacrisinniton. Fixixih ken rubteeniih baaxok ken baadisseenih. Ta saaku ta umaaney abteenihiyyah sin digaaleyyo› siinik axce.

Yacedkel 23:10

Too mari xagarak saro teetik kalla heenih qasunuk tet caben. Say-xaylo kee lab-xaylo teetik seewah been. Tet seefit qiden. Agbi elle aninnaan ikkel, tet camit gace.

Yacedkel 23:31

Isi maqanxah raat katatteeh; tonna-leemiik too teetih ecee digaalah-kobbayyay is akak tooqobek koo afqeyyo» iyye.

Hosiqa 1:6

Goomar qagisak teedeqeeh baxá xalte. Too saaku YALLI kaadu Hosiqak iyyeemih, «Tama awkák migaaqah Racmat-Wayti inxic. Macaay intek, Israayil marah tahaysa maracmata. Qafu kaadu keenih maaba.

Hosiqa 1:9

Too waqdi YALLI kaadu kaak iyyeemih, «Tama awkak kaadu migaaqah Yi-Mara-Hinnon, 'yaanam inxic. Macaay intek, Israayil mari ahaysa yi mara hinnoonuuy, anu kaadu ken Dagelta hinniyo» iyye.

Hosiqa 2:13

Yoo hawwenna hayteh Baqal akak iyyan duyyeh qaydarus qeerisseh; bilqitta inteh mareytit lakat gexxe'mmay, toh teetit macabay, tet akah digaaleyyo. Tahat yabtam yoo YALLA» 'yaanam iyye.

Hosiqa 9:17

Hosiqa iyyeemih, «Yi Dagelti isi mara cinele. Ken akah cinu waam, kay yab cineenimih sabbata. Marin baaxol marin marih addat meekita mara akkelon.

Qaamus 9:8

Yoo YALLAY Mulki le, ahaysa Israayil ummatay yab aabbe sinnihiyyal inti haam faxa. Israayil ummat baaxô-bagul macaba. Takkay immay Israayil nasab inkitanuuk mabaysa. Tah intam yooy YALLA kinni.

Yoosuwa 19:18

Keenih yeceen magaalooli ah teeti: Yidraqel kee Kasullot kee Suunem kee