Ermiyaas 48:3 - NABUWWA KEE MALIKWA

³ Coronyim deqsitta magaalal yan marih weeqa ankacisa! Too marat takke baati kee finqak-gexxaamah aban weeqa ankacca haay!

Ermiyaas 48:3 Iomraidhean Croise

Yasaqya 15:2

Dibon mari qibaada-elle-aban-qale yewqeenih, sadgat elle aban aracih garil weeqan. Mooyab mari, Nabo kee Medabâ-magaalah-marah boogisaanaah rookitan. Rookah amo kee deben isinnik mooleenih.

Yasaqya 15:5

Mooyab-marah afqado yok danantah. Macaay inteenik, yasillimem faxa mari Xooqar kee Qeglat-Selisiya fan kuda. Marak teeni weeqak Lucit fan beya gita gexan. Marak teeni anay fayya haak boogisak Coronyim fanah kudan.

Yasaqya 15:8

Mooyab-cuduud guffa haa aroocal deero aba marih xongolo radda. Eglaayim kee Beer-Eelim magaalal deero aba marih xongolo radda.

Yasaqya 22:4

Tohuk gexxaamah excemii, «Kaxxa weeqah weeqam faxak, wonnah yok gaca. Anay yoo 'xica; inni maray rabehiyyah weeqay yoo inxica. Weeqe yoo makalina» exce.

Ermiyaas 20:16

A num, YALLI uma baatih bayse magaaloolik kaxxih, ibak-gibda baati kaa tabbaxay! Saaku boogisa marih xongolo aytil kaak radday; Laqo carbi addat yakke weeqi aytil kaak raday.

Ermiyaas 47:2

Kaak iyyeemih, «Wagit! Weeqi kilbat le kabuk yamaatem. Tama weeqi sarra kaxxa weeqaytu akkele. Too weeqi yamaatu waa wakti, daqaaral tu macabaay gubbil tu macaba. Magaala kee magaalah addal yan marak tu macaba. Ta weeqi edde yamaatu waa wakti, sugu waa mari boogiseleeh, catoh gaba deerih heelon.

Ermiyaas 48:34

Cesbon kee Elqaale mari weeqat yan. Oson aban weeqi Yahax magaalal yantaabbe. Doqar magaalal yan mari kaadu yaabbeh. Coronyim kee Eglat-Selisiya fan yantaabbe. Nimrim deqsita buyyi kinni-way a saaku kafeeh lee mali.

Ermiyaas 48:4

Mooyab marat baati tekke. Mooyab marih xayloy qunxahiyyah weeqa naabbeh nan.

Ermiyaas 48:5

Lucit deqsita arac fan gexa gita koran waqdi, kaxxam weeqak gexan. Coronyim deqsita aracah amma iyyan way, tekkeh tan baatih aban weeqih anay rada.

Ermiyaas 51:54

Baabeloonul yakke weeqak radda xongolo ankacisay. Mango baatiy teetit tekkehiyyak gexxaamah radda xongolo oobbeya.