Ermiyaas 3:10 - NABUWWA KEE MALIKWA

¹⁰ Toh abak suggu 'yeenik lakal, Yuudâ-mari yol yaduurem ceele'mmay, woh nummâ-madaarak masuginna. Tah intam yoo YALLA› 'yaanam siinik iyye» keenik iyye.

Ermiyaas 3:10 Iomraidhean Croise

2 Aydaad 34:33

Malik Yoosiyaahu Israayil mari bicseh suge xeet kee cooxuk bicsen duyyey ableh umahiyya ken rasul bayseh. Isih addunyal suggu 'yem fanah ummatak, «YALLA uqbuda» axcukuuy, ken kaxxa abbobti doore Dageltah fan ken gacse.

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Yasaqya 29:13

Yalli iyyamaa, «A mari afak yoo yaynabem ceela'mmay, afqado keenik yoo matassanabba. Oson yot aban qibaada yi garil hebeltô-maqna mali. Diinih loonum, sahda teyyeeqe madqa kee abuk-raqtih luk sugen qaada.

Yasaqya 31:6

Israayil maraw, YALLAL uduura. YALLAT darre cabteenih taniinik, YALLAL uduura.

Ermiyaas 11:10

Ken kaxxa abbobtiy yi amri cintehiyya abak ten dambi, oson kaadu aban. Yalla akke sinni duyyey gabak bicseenihiyya yaqbuden. Israayil kee Yuudah ummat, anu duma ken kaxxa abbobti lih heeh suge qahdi yol makeenih.

Ermiyaas 12:2

Yi Dageltaw, caxah innah atu ken daabisseeh; oson kaadu ragid baahen. Caxa saadda waqdi xaylo elle xalta'nnal, dadlaanaah xaylo xalan. Kulli way migaq kok ugsaanah immay, niya koo fan malon.

Ermiyaas 9:1

«Yi ummattay tambaxem faxxahiyyah bar kee laqoh weeqa'gidih, moyya kee intiita yok ximo akak racta raceyna takkem faxe raare.

Hosiqa 7:14

Afqadook yoo maqbudinnon. Dooqa aban waqdi, gitat tet maaban. Takkay immay daffa 'yeenih diini-maleela akah abta'nnah, waxxaq axcukuuy boogisak aban. ‹Baaxol daro kee qinab nee mawaysiisin› axcuk dooqa aban waqdi, diini-maleela akah abta'nnah, xagar isinnik qanxisan. Yoo cineeniih darre yot caben.

Qaamus 4:9

«Tooboke daroy orobe'kah tanihiyyat kaxxa caacoy kafissu waytahiyya ruube. Kudaaray yoobokehiyya kee qinab xaylo kafissa heeh; *daytuun kee *sublat inkih qanaytu ruubeeh too qanayti selli hee. Takkay immay tah inkih abalih yol maaduurinniton.

Malaaki 2:11

Yuudâ mari Yalla lih luk sugen xagana makeeniih; Yarusalaam kee inkih yan rasul ibak-gibdi umaane aben. Ken labha allî-baaxoh agabuy xeet kee cooxuk bicsen duyye yaqbudehiyyat rihimak, YALLI kicna isi Qibaadah-Qari nadaasa aben.