Ermiyaas 24:2 - NABUWWA KEE MALIKWA

² Kafaqak teenat nabam meqe *sublâ-xayloy naharak toobokehiyya ten. Nammeyhaytô-kafaqah addat toome xayloy yakmeenim sinnihiyya uble.

Ermiyaas 24:2 Iomraidhean Croise

Yasaqya 5:4

A caxa taabuke'gidih, meqe xaylo xalta'gidih, abe akah weem maay liyo? Meqe xayloy xaltam faxe; maxalinnaay; mabaahinna. An' cube weeh, acsube wee mulcu le xaylo yoh xaltem macâ-sabbata? Sabab le?

Yasaqya 5:7

Hay, YALLAY Nabaamak Naba yuysubuke qinab caxa kinnim Israayilik xaylo. YALLI yuysubuke cooxuy, ruffu edde haak yene kinnim Yuudah yoobokeh yan mara. YALLI, meqem aba mara yakkeenim keenik faxak yen. Takkay immay woh makkinnon; sahda qida mara yekken. Cakkik tanim aba mara, yakkeenim keenik faxak yen. Takkay immay woh makkinnon; amot akak gacan mari, «Qadaalat waynah nan» iyyan.

Ermiyaas 29:17

Too marih tiyak yoo YALLAY Nabaamak Nabahiyya axcemii, Anu qeebi kee qulul kee dalka keenit ruubeyyo. Toome *sublâ-xayloy ankamme wayta ken abeyyo.

Hosiqa 9:10

Yalli iyyeemih, «Israayil ummat naharak gee saaku, bacaril tooboke qinab caxah bis luk yenen. Sin kaxxa abbobtiy isin akak raddeenihiyya, coox elle yaabuke waktil naharat xalte *sublaytoh bis luk yenen. Takkay immay Faqor deqsitta qale yemeeten saaku, Baqal akak iyyan duyye Yallah haysiten. Ableh uma qibaadat gacca 'yeenih, uma ceelot aseenimih sabbatah, uma mara yekken.

Miika 7:1

Nabi Miika iyyeemih, «Woyyow yi nabsow! Satqiteh yemeete numuy caxat caxâ-miru weeh, qinab-xaylo wee ekke. Qinab kee salfa luk yen caxâ-miruk tu matan.

Naacum 3:12

Assuuriyah mari megdebitte yabbaxu waa marah, *sublay xaylo akak alayteh innah gacele. Subla xaylo caxa ligligga haan way xayuk elle radda innal, ken gabat radelon.