4 Ermiyaas ummatak iyyeemih, «Yaqkuubuk radeeh Israayilih yooboke maraw, YALLIH qangara ankacisa!
Israayil maraw, YALLI siinik iyyam oobbeya.
Ermiyaas iyyemii, «Ummatey, ankacisaay siinik axcem oobbeya! YALLI sin lih yaabahak, kaxxiina cabba haay kay yab oobbeya.
‹Yuudâ-malikwa kee Yarusalaamal yan maraw, YALLI siinik iyyam oobbeya. YALLAY Nabaamak Nabah, Israayil doore Dagelta kinnihiyya a baaxol ibaak gibdi balay yaabbe marih xagarak xoq qiddahiyya siinil ruubeyyo.
Woo saaku, Israayil maraw, yi marak sugteeniih, yok sah taaxigeenim luk masuginniton. Tonna leemiik taahirik yan marah sugten. Siinil umam baahinnaan maral biyak kee dalka ruubak suge. Tah siinik intam yoo YALLA› yok iyye».
YALLI siinik iyyam ah teetik, oobbeya. Sin kaxxa abbobti yot geyteemiy makot akah gexak sugeeni macaay? Maca keenil baahe? Gabak bicsen duyye yaqbudeenim taamah haysiten. Tu xiqe-sinni-duyyeh qibaadat gaceeniih tu xiqe-sinni-mara isinni aben.
YALLI iyyemii, «Too dabaanal Israayilik radde kedooda yi mara akkeloonuuh, anu amo keenik wagta Dagelta keenih akkeyyo. Tah intam yoo YALLA» 'yaanam iyye.
‹Ermiyaasow, Israayil kee Yuudâ marak sinam intam maay toobbe? A namma maray anu innih doorehiyyak, ‹Yalli Israayil kee Yuudah ummatay duma dooreh sugehiyya a saaku cineh› 'yaanam iyyan. Wohut mayaadiyaanay, woh iyya mari isih ken burutaah, doolat caddot ken mayablan.
«Kaadu qagissa haay kaak intaamah, ‹Taway kok axcem cubbusay raq. YALLI kok iyyaamah, Rabta saaku amrih rabetto ikkal, carbit marabta.
Kee, hawri-maleelay, xangi-maleelay, oobbeya. Inti litoonuh immay matablan; ayti litoonuh immay mataabban.
Israayil ummatey, YALLI siinik iyyaah sin akah sahitam oobbeya. YALLI siinik iyyaamah, «A baaxol yan mari imaan cabeh yan. Kacni keenik yeerreh yan. Yalla kinniyom yok mayaaxigan.
YALLI iyyam ankacisa. «Ugutaay, yi mari baahe umaanet marô-foocal yab! Qaleela kee koomam atu edde yabtam taabbay» yok iyya.